Д у қ вәкили б д т кишилик һоқуқ кеңишиниң 14 - нөвәтлик йиғиниға қатнашти

Б д т кишилик һоқуқ кеңишиниң 14 - нөвәтлик йиғини 5 - айниң 31 - күни җәнвәдә башланған болуп, 6 - айниң 14 - күнидин башлап уйғурларға вәкалитән бу қетимқи йиғинға қатнишиватқан д у қ баш катипи долқун әйса әпәнди бу мунасивәт билән телефун зияритимизни қобул қилип, йиғинниң асаси мәзмуни тоғрилиқ мәлумат бәрди.
Мухбиримиз әкрәм
2010.06.15
UNPO-yighinida-Dolqun-Eysa-305.jpg Сүрәттә, дунйа уйғур қурултийиниң баш катипи долқун әйса әпәнди бу қетимқи вакаләтсиз милләтләр тәшкилатиниң италийидә өткүзүлүватқан қурултийида.
RFA Photo / Eqide

Долқун әйса әпәнди, д у қ ниң йиллардин буян б д т кишилик һоқуқ кеңиши йиғиниға җиддий көңүл бөлүватқанлиқини тилға алди. Д у қ вәкиллири бир қанчә айдин буян бу йиғинниң тәйярлиқ хизмәтлирини әстайидил қанат яйдурған болуп, көплигән дөләтләр вә хәлқаралиқ тәшкилатларниң вәкиллири билән учришишлар өткүзгән.

Долқун әйса әпәндиниң билдүрүшичә, б д т кишилик һоқуқ кеңишиниң 14 - нөвәтлик йиғини башлинип һазирға қәдәр алтә хәлқаралиқ тәшкилат вә бир қанчә ғәрб әллири уйғурлар мәсилисини оттуриға қойған болуп, хитай һөкүмити буниңдин қаттиқ нарази һәм биарам болған.
 
Долқун әйса әпәнди 6 - айниң 14 - күни, б д т кишилик һоқуқ кеңиши тәрипидин уюштурулған "өз тәқдирини өзи бәлгиләш принсипи астидики кишилик һоқуқ мәсилиси" намлиқ йиғинда доклат берип өткән. У сөзиниң ахирида, б д т кишилик һоқуқ кеңиши 14 - нөвәтлик йиғининиң, уйғурлар мәсилиси диққәтни тартқан бир йиғин болғанлиқини тәкитлиди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.