بىليارت چولپىنى ئەكبەرجان بىلەن سۆھبەت

ﺳﯜﺭﻩﺕ، ﺑﯩﻠﻴﺎﺭﺕ ﭼﻮﻟﭙﯩﻨﻰ ﺋﻪﻛﺒﻪﺭﺟﺎﻥ ﺗﺎﻫﯩﺮﻧﯩﯔ ﺑﯘ ﻳﯩﻞ 6 - ﺋﺎﻳﻨﯩﯔ 12 ‏ - ﻛﯜﻧﻰ ﮔﻮﻟﻼﻧﺪﯨﻴﻪ ﺩﯙﻟﻪﺗﻠﯩﻚ 2 - ﺩﻩﺭﯨﺠﯩﻠﯩﻜﻠﻪﺭ ﭼﯧﻤﭙﯩﻴﻮﻧﻠﯘﻕ ﺗﺎﻟﯩﺸﯩﺶ ﻣﯘﺳﺎﺑﯩﻘﯩﺴﯩﺪﺍ ﺋﯘﺗﻘﺎﻥ ﻟﻮﯕﻘﺎ ﺑﯩﻠﻪﻥ ﭼﯜﺷﻜﻪﻥ ﺳﯜﺭﯨﺘﻰ.

نەتىجىدە بۇرۇن كۆڭۈل ئىچىش پائالىيىتى شەكلىدە باشلانغان بەزى تۈرلەر، مەخسۇس مۇسابىقە بىلەن ئۈستۈنلۈك تەلەپ قىلىدىغان تۈرلەرگە تەرەققىي قىلدى. ھاكىمىيەتلەرنىڭ قوللىشى بىلەن مەھەللە ۋە قەبىلىلەردىن باشلانغان تۈرلەر خەلقئارا سەھنىلىرىگە ئېلىپ چىقىلدى.

بىليارت مۇسابىقىسى مەخسۇس يۇقىرى تەبىقىدىكىلەرنىڭ ئويۇنى بولۇپ، قۇللۇق ۋە مۇستەملىكىدە خورلىنىۋاتقان بىر مىللەت ئۈچۈن ئۇنىڭ بىلەن ھەپىلىشىش، ئۇنىڭدا نەتىجە قازىنىش تەسەۋۋۇردىن كۆپ ئۇزاقتا ئىدى. ئەمما بۇ ئۇيغۇرلار ئۈچۈن رېئاللىققا ئايلىنىش ئالدىدا تۇرماقتا.

بۇ يىل 6 - ئاينىڭ 12 ‏ - كۈنى گوللاندىيە دۆلەتلىك 2 - دەرىجىلىكلەر چېمپىيونلۇق تالىشىش مۇسابىقىسىدە ئەكبەرجان ئاتلىق بىر ئۇيغۇر ئوغلانى 2 - لىككە ئېرىشتى.

ئۇ، بۇ يەرگە كەلگەندىن بىرى ھىلۋىرسۇم شەھەرلىك بىر بىليارت كوماندىسىغا ئەزا بولۇپ كىرىپ، بىر يىلغا يەتمىگەن ۋاقىت ئىچىدە ئۆز تالانتىنى نامايەن قىلغان ۋە كۆپلىگەن رىقابەتچىلىرىنى يېڭىپ چىقىپ، ھىپو ناملىق كوماندىنىڭ نامىدىن بۇ قېتىمقى مۇسابىقىگە قاتناشقان ۋە كۈمۈش لوڭقا بىلەن مۇكاپاتلانغان.

بىر يىل داۋام قىلغان بۇ مۇسابىقە گوللاندىيىنىڭ ئۈترىخت، دەنخاھ، ئامستېردام قاتارلىق چوڭ شەھەرلىرىدە ئېلىپ بېرىلغان.

يۇقىرىدىكى ئاۋاز ئۇلىنىشىدىن، ئەكبەرجان بىلەن ئۆتكۈزگەن سۆھبىتىمىزنىڭ تەپسىلاتىنى ئاڭلايسىلەر.