دەۋاگەر ئايگۈل توختى "رەئىس ئەركىن ئىمىرباقىنىڭ ئاپتوموبىلىنى توستى" دەپ ئەيىبلىنىپ 10 كۈن قاماقتا ياتتى

ئاممىغا ئىشىنىش ۋە ئاممىنىڭ دەردىگە قۇلاق سېلىش خىتاي ھۆكۈمىتى ئېغىزىدىن چۈشۈرمەيدىغان رەھبىرى كادىرلارغا خاس خىزمەت ئىستىلىدۇر.
مۇخبىرىمىز شۆھرەت ھوشۇر
2011-01-27
Share
erkin-imirbaqi-305.jpg ئۇيغۇر ئاپتونوم رايونلۇق خەلق قۇرۇلتىيىنىڭ رەئىسى ئەركىن ئىمىرباقى. 2011-يىلى يانۋار.
www.xjtsnews.com

ئەمما، بۇنىڭ قۇرۇق شوئاردىن باشقا ئەھمىيىتى يوقلۇقى، ئۇيغۇر رايونىنىڭ ھەممە جايلىرىدا ھەر كۈنى دېگۈدەك ئاڭلىنىپ تۇرىدىغان ئاممىنىڭ شىكايەتلىرىدىن ئىسپاتلىنىپ تۇرماقتا. مارالبېشى ناھىيىسىنىڭ شېكەر كۆل بازىرىدىن ئۈرۈمچىگە داۋا ئىشى بىلەن كەلگەن ئايگۈل توختى ئىسىملىك ئايال، ئاپتونوم رايونلۇق خەلق قۇرۇلتىيىنىڭ رەئىسى ئەركىن ئىمىرباقىنىڭ ئاپتوموبىلىنىڭ ئالدىنى توسقان دەپ ئەيىبلىنىپ، 10 كۈنلۈك قاماق جازاسىغا بۇيرۇلغان.

پەيزاۋات ناھىيىسىنىڭ شېكەر كۆلى بازىرىدا، 2004 ‏-يىلى يەر تەۋرەشكە چىداملىق ئۆي سېلىش قۇرۇلۇشى باشلانغان. قۇرۇلۇش داۋامىدا 84 ئائىلىنىڭ قورۇ-جايى مەجبۇرىي چېقىلغان، ئەمما، ئۇلارغا يېتەرلىك دەرىجىدە ماددىي ياردەم بېرىلمىگەن؛ بۇنىڭ بىلەن بۇ ئائىلىلەرنىڭ بىر قىسمى جاي-ماكانسىز قالغان ۋە خانىۋەيرانچىلىققا ئۇچرىغان. ئۇلار ئەھۋال ئۈستىدىن شىكايەت قىلىپ، ھەرقايسى جايلارغا بارغاندا، بېشىغا تۈرلۈك تالاپەتلەر كەلگەن.

يۇقىرىدىكى ئۇلىنىشتىن، نورۋېگىيىدە ياشاۋاتقان، ئىلگىرى ئۈرۈمچىدە 8 يىل ئادۋوكاتلىق بىلەن شۇغۇللانغان بەختىيار ئەپەندىنىڭ، ئايگۈل توختىنىڭ 10 كۈن قاماقتا ياتقانلىقى ۋەقەسىگە بەرگەن باھاسىنى ئاڭلىغايسىلەر.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت