Д у қ ниң 3 - нөвәтлик қурултийи рәсмий музакирә басқучиға кирди

Америка пайтәхти вашингтонда чақирилған мәркизи германийидики дуня уйғур қурултийиниң 3 - нөвәтлик қурултийи җүмә күндин башлап, рәсмий музакирә басқучиға кирди. Қурултайниң ечилиш мурасими пәйшәнбә күни, йәни 2009 - йили 21 - май, өткүзүлгән.
Мухбиримиз гүлчеһрә
2009-05-22
Share
Rabiye-Xanim-Duq-3-qurultay-305 Уйғур милли һәрикитиниң лидери дунйа уйғур қурултийи рәиси рабийә қадир ханим сөздә.
RFA Photo

Шу көни вәкилләр хитайниң вашингтондики әлчиханиси алдида намайиш қилип, күч көрсәткәндин кейин, қурултайниң ечилиш мурасими ечилған америка дөләт мәҗлис бинасидики йиғин залиға қайтип келип йиғинни давамлаштурған. 

Бүгүн, йәни 2009 - йили 22 - май, һәр қайси әлләрдин кәлгән вәкилләр вирҗинийә штатиниң хериндон наһийисидики бир меһманханида топлинип, вәкилләрниң тәклип пикирини музакирә қилишқа башлиди.

Бу қетимқи қурултай дуня уйғур қурултийи тарихидики әң муһим йиғинларниң бири болуп, америкида чақирилған тунҗи зор көләмлик йиғилишларниң биридур. Дуня уйғур қурултийи рәиси рабийә қадир ханим, пәйшәнбә күни қурултайниң америка дөләт мәҗлис бинасидики ечилиш мурасимида мухбиримизға, бу қетимқи қурултайда "шәрқий түркистан давасиниң келәчикигә мунасивәтлик нигизлик мәсилиләрниң музакиригә қоюлидиғанлиқи вә вәкилләрниң пикири елинидиғанлиқи," ни билдүрди.
James-McGovern-Qurultay-Duq3-305
Сүрәттә, америка авам палата әзаси җәймис мекгаврин д у қ 3 - қурултийини тәбрикләп сөз қилмақта.
RFA Photo

Д у қ вәкиллири 2009 - йили 21 - май чүштин кейин, вашингтондики хитай баш әлчиханиси алдида намайиш өткүзди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт