ئىستانسىمىز ئىككى كۈندىن بۇيان مەزكۈر كۇرس ھەققىدە بۇ كۇرسقا بىۋاستە يېتەكچىلىك قىلىۋاتقان، شەرقىي تۈركىستان ئۇيغۇر مىللىي ھەرىكىتىنىڭ رەھبىرى رابىيە قادىر خانىم باشلىق، كۇرسنىڭ مۇۋەپپەقىيەتلىك ئۆتكۈزۈلىشىگە كۈچ سەرپ قىلىۋاتقان دۇنيا ئۇيغۇر قۇرۇلتىيىنىڭ مەسئۇللىرى ھەمدە كۇرسقا قاتناشقان ئاياللار ۋەكىللىرىنى زىيارەت قىلىپ، بۇ ھەقتە رادىئو ئاڭلىغۇچىلارغا تولۇق مەلۇماتلار ئاڭلاتتى.
بۈگۈن رابىيە قادىر خانىم، كۇرسنىڭ غەلىبىلىك ئاخىرلاشقانلىقى مۇناسىۋىتى بىلەن تەكرار زىيارىتىمىزنى قوبۇل قىلىپ، بۇ قېتىمقى كۇرسنىڭ نەتىجىلىرىنى شەرھىلىدى ۋە 13 دۆلەتتىن كېلىپ كۇرسقا قاتناشقان ئۇيغۇر خانىم - قىزلىرىنىڭ ئۇيغۇر داۋاسى ئۈچۈن بىر كىشىلىك ھەسسە قوشىشىغا ئۈمىد باغلىغانلىقىنى بىلدۈردى.
يۇقىرىدىكى ئاۋاز ئۇلىنىشىدىن، مۇخبىرىمىز ئەقىدەنىڭ رابىيە خانىم بىلەن بۇ ھەقتە ئۆتكۈزگەن سۆھبىتىنى ئاڭلىغايسىلەر.