د ئۇ ق خىتاينىڭ رامىزاندا ئۇيغۇرلارغا 'قاتتىق زەربە بېرىش' نى پىلانلىغانلىقى توغرىسىدا بايانات ئېلان قىلدى

'گېرمانىيە ئاخبارات ئاگېنتلىقى' ۋە خىتاينىڭ 'تەڭرىتاغ تورى'دا ئېلان قىلىنغان خەۋەرلەرگە ئاساسلانغاندا، خىتاينىڭ ئۇيغۇر ئاپتونوم رايونلۇق پارتكوم سىياسىي قانۇن سېكرىتارى جۇخەيلۈن 8 ‏ - ئاينىڭ 18 ‏ - كۈنى تېلېۋىزىيە - تېلېفون يىغىنى چاقىرىپ، ۋاڭ لېچۈەننىڭ جايلاردا 'ئۈچ خىل كۈچلەرگە قاتتىق زەربە بېرىش' ھەرىكىتى ئېلىپ بېرىش پىلانىنى ئېلان قىلغان.
ﻣﯘﺧﺒﯩﺮﯨﻤﯩﺰ ﯞﻩلى ﺧﻪﯞﯨﺮﻯ
2008-08-19
Share

 خىتاي كوممۇنىست پارتىيىسىنىڭ ئۇيغۇرلارغا قاراتقان بۇ ھەرىكىتىدە، ئۇيغۇرلاغا قارىتا'تەشەببۇسكارلىق بىلەن ھۇجۇم قىلىش، باش كۆتەرسىلا ئۇرۇش، ئالدى بىلەن ئەدىپىنى بېرىش'سىياسىتىنى داۋاملاشتۇرۇش لازىم دەپ تەكىتلەنگەن.

دۇنيا ئۇيغۇر قۇرۇلتېيىنىڭ باياناتچىسى دىلشات رىشىتنىڭ بايان قىلىشىچە، خىتاي ھۆكۈمىتى ئادەتتە ئۇيغۇرلارنىڭ خىتايغا بولغان قارشىلىق ھەرىكەتلىرىنى باستۇرۇپ كېلىۋاتقاندىن سىرت، بۇ قېتىم يەنە رامىزاندا قاتتىق زەربە بېرىشنى پىلانلىغانلىقىنى قاتتىق ئەيىبلىدى.

دىلشات رىشىت باياناتىدا خىتاي ھۆكۈمىتىنىڭ ئۇيغۇرلارغا قاراتقان بۇ ھەرىكىتىنى خىتاينىڭ ئۆزىنىڭ 'ئاساسىي قانۇنى' غىمۇ خىلاپلىق قىلغانلىق دەپ كۆرسەتتى.

دۇنيا ئۇيغۇر قۇرۇلتېيىنىڭ باياناتچىسى دىلشات رىشىت بۇ باياناتىدا، خىتاي ھۆكۈمىتىنىڭ ھەر يىلى رامىزان ئېيىدا ئۇيغۇرلارغا قارىتا قوللىنىپ كېلىۋاتقان، دنىي ئېتىقاد ئەركىنلىكىنى چەكلەش تەدبىرلىرىنىڭ مەزمۇنلىرىنى ئەسلەپ ئۆتتى.

دىلشات رىشىت باياناتىدا، خىتاي ھۆكۈمىتىنىڭ ھازىرقى ئولىمپىك مۇسابىقىسىدىن پايدىلىنىپ ئۇيغۇرلارغا 'تېررورچى' دېگەن بەدنام بىلەن زەربە بېرىۋاتقان بۇنداق يولسىزلىقىغا قارىتا، خەلقئارا جەمئىيەتتىن دېپلوماتىيە جەھەتتىن بېسىم ئىشلىتىشنى تەلەپ قىلدى.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت