Д у қ хитайниң рамизанда уйғурларға 'қаттиқ зәрбә бериш' ни пиланлиғанлиқи тоғрисида баянат елан қилди

'Германийә ахбарат агентлиқи' вә хитайниң 'тәңритағ тори'да елан қилинған хәвәрләргә асасланғанда, хитайниң уйғур аптоном районлуқ партком сиясий қанун секритари җухәйлүн 8 ‏ - айниң 18 ‏ - күни телевизийә - телефон йиғини чақирип, ваң лечүәнниң җайларда 'үч хил күчләргә қаттиқ зәрбә бериш' һәрикити елип бериш пиланини елан қилған.
Мухбиримиз вәли хәвири
2008-08-19
Share

 Хитай коммунист партийисиниң уйғурларға қаратқан бу һәрикитидә, уйғурлаға қарита'тәшәббускарлиқ билән һуҗум қилиш, баш көтәрсила уруш, алди билән әдипини бериш'сияситини давамлаштуруш лазим дәп тәкитләнгән.

Дуня уйғур қурултейиниң баянатчиси дилшат ришитниң баян қилишичә, хитай һөкүмити адәттә уйғурларниң хитайға болған қаршилиқ һәрикәтлирини бастуруп келиватқандин сирт, бу қетим йәнә рамизанда қаттиқ зәрбә беришни пиланлиғанлиқини қаттиқ әйиблиди.

Дилшат ришит баянатида хитай һөкүмитиниң уйғурларға қаратқан бу һәрикитини хитайниң өзиниң 'асасий қануни' ғиму хилаплиқ қилғанлиқ дәп көрсәтти.

Дуня уйғур қурултейиниң баянатчиси дилшат ришит бу баянатида, хитай һөкүмитиниң һәр йили рамизан ейида уйғурларға қарита қоллинип келиватқан, дний етиқад әркинликини чәкләш тәдбирлириниң мәзмунлирини әсләп өтти.

Дилшат ришит баянатида, хитай һөкүмитиниң һазирқи олимпик мусабиқисидин пайдилинип уйғурларға 'террорчи' дегән бәднам билән зәрбә бериватқан бундақ йолсизлиқиға қарита, хәлқара җәмийәттин депломатийә җәһәттин бесим ишлитишни тәләп қилди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт