D u q, xitayning Uyghur diyarida éntérnét we téléfun liniyilirini échiwitish heqqidiki uqturushigha qandaq qaraydu?

Xitayning Uyghur aptonom rayonluq hökümet axbarat ishxanisi, xitay merkizi hökümitining testiqini qobul qilghandin kéyin, bu yil 5 ‏- iyul ürümchi weqesi yüz bérip uzun ötmey taqap qoyulghan télifun liniye séstimisi we éntérnét tor betlirining tedriji halda eslige keltürülidighanliqini élan qildi.
Muxbirimiz eqide
2009-12-29
Élxet
Pikir
Share
Print
Süret, d u q ning 3 - nöwetlik wekiller qurultiyining d u q tor bétidiki uxturushi arqa körünüsh qilinghan, rabiye qadir xanimning kitawining muqawisi, xitay atom siniqi, UAA we NED bash betliri chüshürülgen körünüsh.
Süret, d u q ning 3 - nöwetlik wekiller qurultiyining d u q tor bétidiki uxturushi arqa körünüsh qilinghan, rabiye qadir xanimning kitawining muqawisi, xitay atom siniqi, UAA we NED bash betliri chüshürülgen körünüsh.
RFA Photo

Xitay da'iriliri, 5 ‏- iyul ürümchi weqesining meydan'gha kélishini, éntérnét hemde téléfunni öz ichige alghan uchur alaqe séstimilirida élip bérilghan qutratquluqlar sewebidin dep körsitip, Uyghur ilidiki xelqning tashqi dunya bilen bolghan alaqisini, téléfun liniyilirini késiwitish, éntérnét tor meydanlirini taqap qoyush charilirini ishqa salghan idi.

Emma xelq'aradiki kishilik hoquq teshkilatliri, gerche xitay da'iriliri ishqa salghan mezkür chariler qismen jehette azraq netije körsetken bolsimu, yolluq naraziliq heriketlirining yenila qoral bilen basturulush qilmishliri üstidin ghalip kelgenlikini, xelq'ara metbu'atlarning rolidin sirt, Uyghur xelqining her xil yollardin paydilinip, 5 ‏- iyul qirghinchiliqida yüz bergen ehwallarni dunya jama'itige ashkarilash üchün körsetken tirishchanliqi, xitay hökümitining Uyghurlar üstidin yürgüzüwatqan basturmichiliq siyasitining esli mahiyitini échip tashlighanliqini bildürmekte.

Merkizi gérmaniyidiki dunya Uyghur qurultiyi tetqiqat merkizining re'isi ümid agahi ependi bu heqte toxtilip öz qarshlirini otturigha qoydi.

Uyghur aptonum rayonluq hökümet ishxanisining uqturushida yene, Uyghur diyarida éntérnét we téléfun qatarliq uchur ‏- alaqe séstimisini qedem ‏- basquchluq halda échiwitidighanliqi bildürülgen bolup, 28 ‏- dékabir küni bir qisim tor betler échilghandin bashqa, qol téléfunda uchur alaqisi élip bérishqa ruxset qilinidighanliqi, yene bir müddettin kéyin uzun yolluq xelq'ara téléfunlarningmu eslige keltürülidighanliqi bildürülgen.

Ümid agahi ependi, uchur erkinlikining, insaniyet dunyasidiki eqelli hoquqlarning biri hésablinidighanliqini, xelq'ara jama'etning bésimidin qutulush bedilige xitayning éntérnét tor béti we téléfun liniyisini échiwitish heqqide bu uqturushni élan qilghanliqini, emeliyette bolsa, xitayning buningdin kéyin éntérnét tor meydanini bashqurushni kücheytish charilirini, bolupmu chet'ellerdiki muhajirlarning weten ichidikiler bilen bolghan alaqisini küzitishke téximu köp küch serp qilidighanliqini eskertip ötti.

Chet'ellerde yashawatqan Uyghurlar 5 ‏- iyul weqesi yüz bergendin kéyin, weten ichidiki uruq - tughqanliri bilen alaqe qilalmay kelmekte. Buningdin xewerdar kishilik hoquq teshkilatliri, xitayni insanlarni eqelli hoquqliridin mehrum qaldurush qilmishliri bilen eyiblimekte.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikirler (1)
Share

Isimsiz oqurmen

assalamualaykom,amrekida.yaxawatkan,barlik,uygurkerindaxliremizga aliy salambuldureman.kerindaxliremiz,biz,kaqanmu,oz,aldimizgadulatkurop qikalaymiz,bizning,watanni hitaylar bizga kayturop birarmo?biz,uygurlar uzhiyalimizda watinimiznig,namini,eastturkestan,dapatiximiz,likin ,nima uqun ,axundak hiyal,arzuyimizdikidak,oz,aldimizga dulitimizyok?bizningxinjiangni,hitaylar bizga zadi kayturopbiram du?biz,oz,aldimizga dulat koropqikalamdok?silarmu,amrekida,bolgandikin,bdt,din,watenimizni kayturwelixka,yardam bireglardap ,areznamilarni yollawerenglar,axundak,kilgandaqokom ,unimini kuresilar,bizmu ,boxkalmay,dunyaga,biz,uygur millitining,barlikini wa hitayningbizning watinemizni besiwalhan likini bilduremiz,bak kup suzliwattim, akawaaqilar kaqurgay silar, rahmat sizlarga,hayer,salamat,bo9linglar

Dec 30, 2009 03:10 PM

Toluq bet