Италийидә инсан һәқлири паалийәтчилирини електронлуқ учур техниклири билән тәрбийиләш мәктипи ечилди

Б б с ниң хәвәрлиригә асасланғанда, америка тәрипидин қурулған явропадики роберт кеннеди һәққанийәт вә инсан һәқлири мәркизи йеқинда италийиниң флоренс шәһиридә дунядики инсан һәқлири паалийәтчилирини әң йеңи електронлуқ учур техниклири билән тәрбийиләш кәспи ачқан.
Ихтиярий мухбиримиз руқийә
2012-11-29
Елхәт
Пикир
Share
Принт

Италийә әйни чағдики бир түрмини бу мәктәпкә ианә қилған. Бу мәктәп алдимиздики биринчи айдин башлап рәсмий оқуғучи қобул қилидиған болуп, қобул қилинидиған оқуғучиларниң инсан һәқлири паалийәтчиси болуши, инсан һәқлири үчүн өзини беғишлиған болушидәк арқа көрүнүшләр қаттиқ шәрт қилинидикән. Оқуғучиларға йеңи техникиларни қандақ қоллиниш, телефон сөһбити, елхәт вә видеоларға селинидиған учурларни әвәткәндә, зулум қиливатқан һөкүмәтниң сүзүш ториға чүшүп қелиштин қандақ сақлиниш шундақла инсан һәқлири қанунлири, әхлақий принсиплар өгитилидикән. Бу кәсип нурғун инсан һәқлири паалийәтчилириниң қоллишиға еришкән.

Електронлуқ учур инсанларниң зулумға қарши турушта бир ‏- бири билән алақә қилиши вә бир‏-бирини ойғитишида муһим әһмийәткә игә. Униң әрәб баһари һәрикитидә ойниған роли вә шундақла үрүмчидики 5‏-июл вәқәсиниң келип чиқишиға түрткә болғанлиқи наһайити ениқ. Зораван һөкүмәтләрниң хәлқарадин вә кәң хәлқ аммисидин йошурун һалда йүргүзүватқан җинайәтлириниң електронлуқ учур арқилиқ ашкарилиниши шу дөләт түзүлмисигә тәсир көрситәләмду? инсанларни давамлишиватқан зулумға хатимә бериш үчүн күрәш қилишқа уюштуруп мәйданға елип чиқаламду? биз бу һәқтә канададики инсан һәқлири паалийәтчиси өмәрҗан бөрә билән сөһбәт өткүздуқ.

Пикирләр (0)
Share
Толуқ бәт