Enqerede eysa yüsüp aliptékin namida baghche quruldi

Türkiye paytexti enqerening eng chong rayonliridin biri bolghan kechi ören rayonining chichekli mehelliside “Eysa yüsüp aliptékin baghchisi” quruldi.
Ixtiyariy muxbirimiz erkin tarim
2012-10-22
Share
eysa-yusup-aliptekin-baghchisi-305.jpg Enqerede eysa yüsüp aliptékin namida baghche quruldi. 2012-Yili 21-öktebir, enqere.
RFA/Erkin Tarim

21- Öktebir küni chüshtin kéyin bu baghchining échilish murasimi ötküzüldi. Murasimgha kechi ören rayonluq hökümetning bashliqi mustafa aq ependi bashchiliqidiki rehberler we ammidin bolup besh yüz etrapida kishi qatnashti. Murasimda aldi bilen, sen'et nomurliri körsitildi. Arqidin rayonluq hökümet bashliqi mustafa aq ependi bu baghchining qurulush jeryani we rayonluq hökümetning qilghan xizmetliri, bundin kéyinki xizmet pilani heqqide melumat berdi. Kéyin, lénta késish murasimi bilen baghche ammigha échiwétildi. Baghchining ishikige eysa yüsüp alptékinning ismi chong xet bilen yézilghan bolup, baghchining ichide sün'iy köl, balilar bölümi, dem élishqa chiqqanlar bölümi, ashxana we qehwexanilar bar iken.

Eysa yüsüp aliptékin namida échilghan baghchining lénta késish murasimi. 2012-Yili 21-öktebir, enqere.
Eysa yüsüp aliptékin namida échilghan baghchining lénta késish murasimi. 2012-Yili 21-öktebir, enqere.
RFA/Erkin Tarim

Kechi ören rayonluq hökümet enqerede “Kichik türk dunyasi ” dep tonulghan bolup, bu rayondiki kocha, baghche we mehellilerge türk dunyasining tonulghan edib, sha'ir, mutepekkur we siyasetchilirining namliri qoyulghan. Mesilen, bu rayonda tonulghan ezerbeyjan sha'iri bextiyar wahapzade, qazaq yazghuchisi abay, qirghizlarning dunyagha tonulghan yazghuchisi chinggiz aytmatof we Uyghur sha'iri nawa'iy qatarliqlarning namliri ammiwi mu'essesilerge isim qilip bérilgen.

Biz eysa yüsüp aliptékin baghchisining échilish murasimi jeryanida rayonluq hökümet bashliqi mustafa aq ependi we murasimgha qatnashqan ammigha mikrofonimizni uzattuq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet