Германийидә “хитайдики йеңи рәһбәрлик өзгириши вә униң уйғурларға болидиған тәсири” намлиқ хәлқаралиқ муһакимә йиғини өткүзүлди

“матәм күни” мунасивити билән явропа шәрқий түркистан бирликиниң саһибханилиқ қилиши, германийә баварийә парламенти сотсиял демократлар партийиси, йешиллар партийисиниң бирликтә тәшкиллиши һәм дуня уйғур қурултийиниң қоллиши билән баварийә парламентида “хитайдики йеңи рәһбәрлик өзгириши вә униң уйғурларға болидиған тәсири” намлиқ хәлқаралиқ муһакимә йиғини өткүзүлди. Германийә баварийә парламентиниң залида өткүзүлгән бу йиғинға дуняниң һәрқайси җайлиридики уйғур тәшкилатлириниң рәһбәрлири, уйғур паалийәтчилири вә уйғур зиялийлири, алимлири билән биргә, хәлқара тәшкилатларниң вәкиллири, парламент әзалири вә уйғур мәсилиси һәққидә тәтқиқат елип бериватқан чәтәллик тәтқиқатчилар тәклип бойичә қатнишип сөз қилди. Йиғиндин кейин дуня уйғур қурултийи рәиси рабийә қадир ханим, дуня уйғур қурултийиниң сабиқ рәиси әркин алиптекин әпәнди, д у қ ниң муавин рәиси сейит түмтүрк әпәнди, явропа шәрқий түркистан бирликиниң рәиси абдуҗелил әмәт әпәндиләр мухбирларни күтүвелиш йиғини өткүзди.

Бу йиғин һәққидә техиму тәпсилий мәлумат елиш үчүн бу йиғинни уюштурғучи долқун әйса әпәнди билән сөһбәт елип бардуқ.

Тәпсилатини юқиридики аваз улинишидин аңлиғайсиләр.