5-Iyuldin kéyin iz-déreksiz ghayib bolghanlar (29)

Melum bolushiche, ablajan sulayman heqqidiki eng axirqi uchur, uning ürümchi kaziwen qamaqxanisida ikenliki. Ablajan sulayman a'ilisige bu uchurni yetküzgen qizilsu oblastliq saqchi idarisi kéyinki mezgillerde, ablajan sulayman heqqide melumat bérishni ret qilghan. Ürümchi sheherlik saqchi idarisi bolsa ablajan sulaymanni tutqanliqini étirap qilghan bolsimu, ta hazirgha qeder uning a'ilisini kütüp turushqa buyrumaqta. Muxbirimiz ghayib ablajan sulaymanning dadisi sulayman dawut bilen söhbet élip bardi.

Sulayman dawutning bildürüshiche, oghli ablajan sulayman at beyge meydanidiki qushxanida ishlewatqan bolup, u 6‏-iyul küni seherde tutup kétilgen. Uning bayan qilishiche, shu küni at beyge meydani 6-kochidiki erkeklerning hemmisila tutup kétilgen bolup, aridin bir ayche ötkende ablajan a'ilisige uning gunahsiz ikenliki, peqet michüendiki bir qamaqxanida qanun terbiyisi éliwatqanliqi uqturulghan. Qamaqxanidin chiqqanlardin biri bolsa, tonup bérish üchün körsitilgen resimler arisida ablajan sulaymanningmu resimini körgenlikini éytqan. Nöwette saqchilar bolsa, ablajan sulayman a'ilisige uning heqqide melumat bérishni izchil halda ret qilip kelmekte we dawamliq halda kütüp turushni buyrumaqta.