Германийә парламент вәкиллири д у қ вәкиллири билән сөһбәт елип барди

Германийә парламентиниң кишилик һоқуқ комитети вә әрзийәт комитети хадимлири бу йил 4 - айниң 17 - күнидин 20 - күнигичә шәрқий түркистан һәм тибәттә зиярәттә болуп, хитайниң уйғурлар вә тибәтликләргә қарита йүргүзүватқан кишилик һоқуқ дәпсәндичиликигә аит мәсилиләр бойичә тәкшүрүш елип барған иди.
Мухбиримиз әкрәм
2009-06-23
Share
Dolqun-eysa-305 Д у қ ниң баш секретари долқун әйса әпәндимниң германийидики намайишлардин биридә сөз қиливатқан көрүнүшлиридин бири.
RFA Photo

6 - Айниң 18 - күни, улар д у қ рәһбәрлириниң илтимаси билән германийә пайтәхти берлинда қурултай рәһбәрлири билән учришиш өткүзүп, өзлириниң шәрқий түркистан тоғрилиқ игилигән мәлуматлирини тәқдим қилған вә д у қ рәһбәрлириниң уйғурларға аит йеңидин еришкән мәлуматлирини қобул қилған. Бу қетимқи учришишқа д у қ муавин рәиси әсқәрҗан билән баш катип долқун әйса әпәндиләр қатнашқан.

Долқун әйса әпәндиниң пикригә асасланғанда, германийә парламенти кишилик һоқуқ комитети вә әрзийәт комитети хадимлириниң, бундин кейин йәнә, хитай бәлгиләп бәргән үрүмчидики бир қанчә нуқтини әмәс, бәлки қәшқәр, хотән қатарлиқ уйғурлар мәркәзлишип олтурақлашқан районларни зиярәт қилиш пилани бар икән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт