سابىق گۇەنتانامو تۇتقۇنلىرىدىن ئابابەكرى ئامېرىكىنىڭ پوزىتسىيىسىگە ئېچىندى

قاماقتىكى 600 دىن ئارتۇق تۇتقۇنلارنىڭ ئىچىدە ئەسىر ئېلىنغان 22 نەپەر ئۇيغۇرمۇ بار ئىدى. ئۇلار ئافغانىستانغا بېرىپ، ھەربىي تەلىم-تەربىيە ئېلىپ، خىتايغا قارشى قوراللىق قارشىلىق كۆرسىتىشكە ئاتلانماقچى بولغان پىدائىيلار ئىدى. ئۇلار 2001‏-يىلى 11‏-سېنتەبىر ۋەقەسىدىن كېيىن ئامېرىكا ئارمىيىسى تالىبانلارنى بومباردىمان قىلغاندا ئافغانىستاندىن قېچىپ ، پاكىستان چېگراسىغا كىرگەندە ئەسىر ئېلىنغان ۋە گۇەنتاناموغا ئېلىپ بېرىلغان ئىدى. گەرچە ئۇلاردىن 17 كىشى باشقا دۆلەتلەرگە ئورۇنلاشتۇرۇلغان بولسىمۇ، بىراق ئۇلارنىڭ مەسىلىسى ئۈزۈل -كېسىل ھەل بولغىنى يوق. بىز گۇەنتانامو لاگېرى قۇرۇلغانلىقىنىڭ 10 يىللىقى مۇناسىۋىتى بىلەن، ھازىر ئالبانىيىدە ياشايدىغان سابىق گۇەنتانامو تۇتقۇنلىرىدىن ئابابەكرى قاسىمنى زىيارەت قىلدۇق.

ئابابەكرى قاسىم 2006-يىلى ئالبانىيىگە ئورۇنلاشتۇرۇلغان تۇنجى تۈركۈمدىكى ئۇيغۇر تۇتقۇنلىرىنىڭ بىرىدۇر. ئۇ گۇەنتانامو لاگېرى قۇرۇلغانلىقىنىڭ 10 يىللىقى مۇناسىۋىتى بىلەن زىيارىتىمىزنى قوبۇل قىلىپ، ئۆزلىرىنىڭ مۇساپىرلىق ھاياتى، پىكىر خىيالى ۋە نۆۋەتتىكى تۇرمۇشى قاتارلىق مەسىلىلەر ھەققىدە توختالدى.

تەپسىلاتىنى يۇقىرىدىكى ئاۋاز ئۇلىنىشىدىن ئاڭلىغايسىز.