Сүрәт, түркийә һилал телевизийисиниң 'бәхт қоңғузи' намлиқ өсмүрләр программисида шәрқий түркистан маарип вә һәмкарлиқ җәмийитиниң башқурушидики балилар йәслидин қиз - оғул болуп талланған 15 нәпәр уйғур өсмүр пәрзәнти номур көрситиватқан көрүнүш.
RFA Photo / Arslan
u0305-arslan.mp3
Бу программиға һилал телевизийсиниң Хадими әхмәт шаһин әпәнди риясәтчилик қилди. Программа, уйғур өсмүрлириниң оқутқучиси хуршидә ханим , шәрқий түркистан маарип вә һәмкарлиқ җәмийитиниң намида һилал телевизийисигә тәшәккүр билдүрүп риясәтчи әхмәт шаһинға гүл дәстә тәқдим қилиш билән башланди.
Бу программа һилал телевизийәсидә сүни һәмра арқилиқ нәх мәйдандин тарқитилди. Программида уйғур өсмүрлири миллийчә кийим - кечәк вә чимән доппа кийишкән болуп, өсмүр балилар нахша оқуш, усул ойнаш, шеир декилиматисйә қилиш, оюн көрситиш қатарлиқ һәр хил номурлар тәқдим қилди.
Бир йерим саәт давам қилған бу программида йәнә уйғурларниң өрүп - адәтлири вә уйғур таамлири тонуштурулди. Бу телевизийә программисиниң синалғу көрүнуши һилал телевизийисиниң рәсми тор бетидә елан қилинди.
Биз бу тиливезийә программисиға қатнашқан уйғур өсмүрләрниң оқутқучилиридин мунәввәр ханим, хуршидә ханим вә садиқҗан қатарлиқ оқутқучилар билән бу программа һәққидә сөһбәт елип бардуқ.
Юқиридики аваз улинишидин, бу һәқтики сөһбитимизниң тәпсилатини аңлайсиләр.
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Дуня мусапирлар күнидә уйғур мусапирлирини канадаға йәрләштүрүш һәққидә тәклип лайиһәси сунулди
- Доктор адриян зенз германийәдики уйғур җамаити тәрипидин қизғин алқишланди
