Sherqiy türkistan wexpining hey'et guruppisi qayta teshkillendi

Yighin'gha 21 qurghuchi ezadin 11 kishi qatnashqan bolup, besh qurghuchi eza wakalet xéti ewetken. Yighinning küntertipige asasen, yighinning échilish nutqini wexpe re'isi memet isa artish ependi qildi. Kéyin, u 2012-yilliq xizmet doklatini bérip ötti. U xizmet doklatida nuqtiliq halda sherqiy türkistan wexpining burundin buyan qilip kéliwatqan oqu-oqutush xizmetliri heqqide tepsiliy doklat berdi. Bulardin bashqa 2012-yilida türkiyining herqaysi jaylirida élip barghan kültür pa'aliyetliri heqqide hem wexpining 2012-yilliq maliye ehwali heqqide toxtalghandin kéyin yighinning küntertipige bina'en, yéngi rehberlik hey'itini saylashtin burun, burunqi rehberlik hey'iti wezipiliridin istépa berdi.

Axirida yéngi rehberlik hey'iti saylimi bolup ötti. Sherqiy türkistan wexpining namzatliqigha memet isa artish bilen eser saka körsitildi. Yépiq bélet tashlash netijiside, 16 awazning köpige érishken eser saka wexpe re'islikige, abdujélil turan ependi mu'awin re'islikke, istanbul uniwérsitéti türkologiye tetqiqatchisi ömer qul ependi bash katipliqqa, murat axunbay bughaltérliqqa, memet qeshqerlik ghezinichilikke, tibet yüjetürk ependi bilen mukerem kucha xanim bash teptishlikke saylandi.

Sherqiy türkistan wexpining qurghuchi ezaliridin pexriy re'is erkin alptékinning riyasetchilikide ötküzülgen bu yighin erkin aliptékin we yéngi rehberlik hey'itining tilekliri bilen ayaghlashti.