Илһам мәхмут уйғурларниңму атом бомбисиниң зиянкәшликигә учриғанлиқини тәкитлиди

6 - Авғуст күни японийиниң хирошима арилидики тинчлиқ хатириси бағчисида, хирошиманиң атом бомбиси зәрбисигә учриғанлиқиниң 64 йиллиқини хатириләш, атом бомбисиниң зиянкәшликигә учрап һаятидин айрилғанларға тәзийә билдүрүш вә шуниңдәк дуняни тинчлиққа чақириш паалийити өткүзүлди.
Мухбиримиз гүлчеһрә
2009.08.07
Yaponda-xitay-atom-siniqi-teshwiqati-Ilham-tohti-305.jpg 6 - Авғуст күни, йапонийиниң хирошима арилидики тинчлиқ хатириси бағчисида, хирошиманиң атом бомбиси зәрбисигә учриғанлиқиниң 64 йиллиқини хатириләш, атом бомбисиниң зийанкәшликигә учрап һайатидин айрилғанларға тәзийә билдүрүш вә шуниңдәк дунйани тинчлиққа чақириш паалийити өткүзүлгән болуп, сүрәт, йапонийә уйғур җәмийити рәиси илһам мәхмут әпәнди вә йапонлуқ қоллиғучилар билән паалийәт елип бериватқан көрүнүшләрдин бири.
RFA Photo / Gulchehre

Бу қетимқи хирошимада өткүзүлгән атом партлиғанлиқиниң 64 йиллиқини хатириләш паалийәтлири давамида, уйғурларниңму хитай атом синақлириниң зиянкәшликигә учрап келиватқан хәлқ икәнлики, японийә уйғур җәмийити рәиси илһам мәхмут әпәнди тәрипидин бир қанчә паалийәтләр арқилиқ тонуштурулди.

Иккинчи дуня уруш мәзгилидә йә ни, 1945 - йили 8 - айниң 6 - күни чүшти кейин бирдә, японийиниң хирошима арили,америка һәрбий қисмлири тәрипидин қоюп берилгән "оғул бала"намлиқ атом бомбиниң вәйран қилиш характерлик туюқсиз зәрбисигә учрап, минут ичидә икки йүз миң бигунаһ адәм җенидин җуда болди, хирошима пүтүнләй вәйран қилинип харабилиққа айланди. Хирошима шундин буян йәр шари йүзидә атом бомбиси арқилиқ инсаанларға қаритилған әң ечинишлиқ вә ғайәт зор қирғинчилиқ елип берилған биринчи шәһәр болуп қалди, һалбуки хирошима бирдин ‏ - бир атом зәрбисигә учриған җай әмәс, йәни1945 - йили 9 - авғуст күни японийиниң нагасаки шәһириму америка тәрипидин қоюп берилгән йәнә бир атом бомбиси тәрипидин охшашла хани вәйран қилинди. 6 - Вә 9 - авғуст күнлири японийә хәлқи үчүнла әмәс, пүткүл инсанийәт үчүнму аләмчә ечиниш билән әслинип келиватқан паҗиәдур.

Японийиниң атом бомбиси балайи - қазасиға учриғанлиқи һәр йили түрлүк паалийәтләр билән хатирилинип кәлмәктә. Хирошимада өткүзүлгән бу йиллиқ ‏хатириләш паалийитигә японийә баш вәзири таро асо қатнишип, апәттә қаза қилғанларниң хатирә мунариға гүлчәмбирәк қойған.

Японийә уйғур җәмийити башлиқи илһам мәхмут әпәнди өткән айниң ахиридин башлап японийиниң хирошима, нагасаки, кагошима, комамито қатарлиқ бир қанчә шәһәрлиридә, атомниң зийиниға учриғанларни хатириләш паалийәтлиригә қатнишип бу җәрянда уйғур диярида хитайниң елип барған атом синақлири һәм униң уйғур вә башқа йәрлик хәлқләргә елип кәлгән балайи апәтлирини тонуштуруш вә бу пурсәттә йәнә, 5 - июл үрүмчи қирғинчилиқини өз ичигә алған, уйғурлар һазир һәм учраватқан мәсилиләр һәққидә доклат бериш паалийәтлирини елип бериватқан болуп, биз хирошимада атом бомба партилиғанлиқиниң 64 йиллиқи мунасивити билән өткүзүлгән паалийәтләр һәм илһам әпәндиниң бу җәряндики паалийәтлири һәққидә тәпсилий мәлумат елиш үчүн хирошимада паалийитини давам қиливатқан илһам әпәндини телефон арқилиқ зиярәт қилдуқ.

Илһам әпәндиниң тонуштурушиға қариғанда, 9 - авғуст нагасаки шәһиридиму, атом бомбиси зиянкәшликигә учриғанларни хатириләш паалийәтлири өткүзүлмәкчи болуп, илһам әпәнди паалийәтлирини давамлаштуруш үчүн әмди нагасакиға қарап йол елиш тәйярлиқида икән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.