'Ислам дуня иттипақи' тәшкилатиниң қурулғанлиқиниң 50 йиллиқи хатириләнди

2010 - Йили31 - июл күни сәуди әрәбистаниниң мәккә мукәррәм шәһиридики "қәсри сафа" намлиқ чоң йиғин залида "ислам дуня иттипақи"тәшкилатиниң қурулғанлиқиниң 50 йиллиқи хатириләнди. Хатириләш йиғини һәр қайси ислам әллиридин кәлгән меһманларниң иштираки билән тәнтәнилик өткүзүлди.
Мухбиримиз өмәрҗан тохти
2010-08-09
Share
Dunya-islam-jemiyiti-yighini-305 Сүрәт, 2010 - йили31 - ийул күни сәуди әрәбистаниниң мәккә мукәррәм шәһиридә өткүзүлгән "ислам дунйа иттипақи"тәшкилатиниң қурулғанлиқиниң 50 йиллиқ хатирә йиғинидин бир көрүнүш.
RFA Photo / Omerjan Toxti

Йиғинға сәуди әрәбистан падишаһиниң иккинчи муавини әмир найиф ибни абдуләзиз риясәтчилик қилди. Һәр қайси ислам мәмликәтлиридин кәлгән шәхсләр "ислам дуня иттипақи"тәшкилатиниң қолға кәлтүргән утуқлири вә бу тәшкилатниң әһмийити тоғрулуқ нөвәт билән сөзгә чиқти.
 
"Ислам дуня иттипақи" тәшкилати сәуди әрәбистаниниң мәккә мукәррәмә шәһиридә 1962 - йили 18 - май күни қурулған хәлқаралиқ ислам иттипақидур.

"Ислам дуня иттипақи" тәшкилати дуняниң һәр қайси җайлиридики мәшһур алим - өлималарниң иштирак қилиши билән тәсис қилинған. "Ислам дуня иттипақи" бирләшкән дөләтләр тәшкилатиниң иҗтимаий вә иқтисадий комитетлириға, хәлқара тәлим - тәрбийә тәшкилати (юнәско)ға, хәлқара балилар тәшкилати (юнисәф)қа, "хәлқара ислам қурултийи"ға, "әрәб дөләтлири иттипақи"ға әза болуп, бу тәшкилатларниң йиғинлириға көзәтчи сүпитидә иштирак қилиду.

"Ислам дуня иттипақи" тәшкилатиниң көлими вә хизмәт даириси

"Ислам дуня иттипақи"ниң дуняниң һәрқайси җайлирида 40 тин артуқ шөбиси болуп, улар мусулманлар үчүн хизмәт қилиду. Хусусән, мәсчитләрни бина қилиш, мәктәпләрни ечиш вә намрат районларға ярдәм қилиш, ислам динини тәшвиқ қилиш вәзиписини өтәйду. Ислам дуня иттипақиниң һәйәт вә комитет әзалири дунядики охшашмиған мусулман милләтләрдин талланған өлима, мутәпәккур вә язғучилардин тәркиб тапқан.

Сираҗиддин әзизи билән сөһбәт

"Ислам дуня иттипақи"тәшкилатиниң қурулғанлиқиниң 50 йиллиқини хатириләш йиғининиң иштиракчилиридин сираҗиддин әзизи бизниң сөһбитимизни қобул қилған иди.

Сираҗиддин әзизи мундақ деди: "йиғин наһайити тәнтәнилик өтти, йиғинға сәуди әрәбистани вә башқа ислам әллиридин наһайити көп адәм қатнашти. 50 Йил җәрянида бу тәшкилатта хизмәт көрсәткән онларчә шәхскә мукапат тарқитилди. Түркийидин башлап малайсия вә пакистанларғичә 57 дөләттин мәшһур шәхсләр қатнашти. Мундин башқа 'ислам дуня иттипақи' тәшкилатиниң тәсис әзалириниң һәммиси қатнашти. Уйғурлардин мән вә җиддә шәһиридики мәшһур тиҗарәтчи әмин абдулғәпур иккимиз уйғурларға вәкиллик сүпитидә қатнаштуқ. Бу йиғин һәрәмниң йенидики сарайда ечилғанлиқи үчүнму наһайити дағдуғилиқ өтти. Адәмниң көпликидин олтуридиған орунму тәгмәйдиған болуп кәтти."

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт