د ئۇ ق ئىستانبۇلدىكى ئۇيغۇرلارغا ئىپتار زىياپىتى بەردى

ﺳﯜﺭﻩﺕ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ 8 ‏- ﺋﺎﻳﻨﯩﯔ 19 ‏- ﻛﯜﻧﻰ ﺋﯩﺴﺘﺎﻧﺒﯘﻟﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯩﭙﺘﺎﺭ ﺯﯨﻴﺎﭘﯩﺘﯩﺪﯨﻦ ﺑﯩﺮ ﻛﯚﺭﯛﻧﯜﺵ.

ئىپتار زىياپىتى ئىستانبۇلدىكى ئەنسار ۋەخپىنىڭ يىغىن زالىدا ئۆتكۈزۈلدى. ئىپتار زىياپىتىگە ئىستانبۇلدا پائالىيەت قىلىۋاتقان ئاممىۋىي تەشكىلاتلاردىن شەرقىي تۈركىستان ۋەخپى، شەرقىي تۈركىستان مائارىپ ۋە ھەمكارلىق جەمئىيىتى، ياۋرۇ ‏- ئاسىيا تەتقىقات ۋە ئىجتىمائىي خىزمەتلەر ۋەخپى، شەرقىي تۈركىستان ياشلار جەمئىيىتى، شەرقىي تۈركىستان ھەمكارلىق جەمئىيىتى، ئۇيغۇر ئاكادېمېسى قاتارلىق ئاممىۋىي تەشكىلاتلارنىڭ مەسئۇللىرى ۋە ئىستانبۇلدا ياشاۋاتقان ئۇيغۇرلاردىن كۆپ ساندا كىشى قاتناشتى.

ئىپتار زىياپىتى جەريانىدا دۇنيا ئۇيغۇر قۇرۇلتىيىنىڭ مۇئاۋىن رەئىسى ئەسقەرجان ئەپەندى سۆز قىلىپ، دۇنيا ئۇيغۇر قۇرۇلتىيىنىڭ قىسقىچە تارىخى ۋە نۆۋەتتە ئېلىپ بېرىۋاتقان خىزمەت پائالىيەتلىرىنى تونۇشتۇرۇپ ئۆتتى.

ئىپتار زىياپىتى جەريانىدا يەنە، دۇنيا ئۇيغۇر قۇرۇلتىيىنىڭ مۇئاۋىن باشلىقى سەمەت ئابدۇللا ئەپەندى پۈتكۈل ئۇيغۇرلارنى دۇنيا ئۇيغۇر قۇرۇلتىيىنىڭ ئەتراپىغا توپلىشىپ بىرلىكتە خىزمەت قىلىشقا چاقىرىش بىلەن بىرگە، تۈركىيىنىڭ شەرقىي تۈركىستان داۋاسى ئۈچۈن ئىنتايىن مۇھىم ئەھمىيەتلىك دۆلەت ئىكەنلىكىنى بىلدۈردى.

يۇقىرىدىكى ئاۋاز ئۇلىنىشىدىن، بۇ ھەقتىكى سۆھبىتىمىزنىڭ تەپسىلاتىنى ئاڭلايسىلەر.