Истанбулда рамизанниң ахирқи күнлирини бирлик ‏- баравәрлик ичидә өтмәктә

Сүрәт, 2010 ‏- йили 9 ‏- айниң 5‏ - күни, шәрқий түркистан вәхпидә өткүзүлгән иптар зийапитидин бир көрүнүш болуп, зийапәткә истанбулда йашаватқан уйғурлардин 200 дин артуқ киши қатнашқан.

Рамизан мунасивити билән истанбулда яшаватқан уйғурлар һәр күни дегүдәк бирликтә иптар қилип өз ара достлуқ мунасивәтләрни күчәйтип кәлмәктә. 2010 ‏- Йили 9 ‏- айниң 5‏ - күни йәни рамизанниң ахирқи күнлиридә, шәрқий түркистан вәхпидә өткүзүлгән иптар зияпитигә истанбулда яшаватқан уйғурлардин 200 дин артуқ киши қатнашти.

Иптар зияпитигә истанбул университетиниң оқутқучиси профессор доктор абдуләзиз байиндир вә дуня уйғур қурултийи диний ишлар комитетиниң мудири турғунҗан алавиддин қатарлиқ муһим шәхсләрму қатнашти.

Иптардин кейин истанбул университетниң оқутқучиси профессор доктор абдуләзиз байиндир әпәнди сөз қилип рамизан ейиниң 27 ‏- күнидики қәдир кечисиниң пәзилити һәққидә тохталди.
 
Биз бу иптар зияпитини орунлаштурған таранчи тирә завутиниң башлиқи, уйғур карханичи сейит таранчи вә дуня уйғур қурултийиниң диний ишлар мудири турғунҗан әпәндиләр билән сөһбәт елип бардуқ.
 
Сейит таранчи вә турғунҗан алавиддин әпәндиләр мәзкур иптар паалийитиниң әһмийити вә роли шуниңдәк уйғурларниң иттипақлиқини ашурушниң зөрүрлүки һәққидә тохталди.

Юқиридики аваз улинишидин, бу һәқтики сөһбитимизниң тәпсилатини аңлайсиләр.