Xitayning kambodzhadin qayturulghan ana-balilarni qoyup bergenlikining yalghanliqi bayqalmaqta
Muxbirimiz shohret hoshur
2010.06.28
2010.06.28
RFA Photo / Shohret Hoshur
Nezerbagh yézisining bashliqimu , özining bügün'ge qeder yézida yüz bergen her qandaq bir weqedin xewerdar bolup kelgenlikini, emma kambodzha weqesini peqet kocha xewerliridin anglighanliqini ashkarilidi.
Nezerbagh yézisining partkom sékrétari bolsa, bu mesilining sezgür bir mesile ikenlikini, bu heqte melumatni bir derije yuqiri orundin sorishimizni tewsiye qildi. Umu oxshashla, ikki bala we bir anining muwapiq orunlashturulghanliq mesiliside j x ministirliqining bayanatida déyilgenlerni toghra yaki xata dep ipade bildürmidi.
Xitayning kambodzha weqeside uchurni qattiq kontrol qiliwatqanliqi bashtinla melum. Emma, 2 bala we bir anining bashqa bir dölette tutulup, arqidin yurtigha qoyuwétilishidek chong bir weqeni yéza emeldarlirining bilmesliki éhtimaldin uzaq. Shunga xitayning ikki bala we bir anini qoyup bergenlikining ras yaki yalghanliqini ispatlash qiyin bolmaqta.
Yuqiridiki awaz ulinishidin, bu heqtiki melumatimizning tepsilatini anglaysiler.