كۈرەش بىلەن ئۆتكەن ھايات (2)

ئۇيغۇر خەلقىنىڭ ئوت يۇرەك قەيسەر ئوغلانى كۈرەش كۈسەن ئەپەندىنىڭ ئۆلۈم خەۋىرى تۇيۇقسىز يىتىپ كەلگەندە"كۈرەش ئۆلمەيدۇ، كۈرەش ئۆلمىدى" دېگەن بىر جۈملە سۆزگە خەلق ئۆزىنى ئىشەندۈرۈشكە تىرىشتى، ئەپسۇسكى ئەجەلنىڭ رەھىمسىز قارا ھىجرانى ئاخىرقى ھېسابتا ھەممىنى ئىشەندۇردى.
ﻣﯘﺧﺒﯩﺮﯨﻤﯩﺰ ﺋﺎﻳﮕﯜﻝ ﻳﯜﺳﯜﭖ
2008-10-29
ئېلخەت
پىكىر
Share
پرىنت
ﺗﺎﻻﻧﺘﻠﯩﻖ ﻣﯘﺯﯨﻜﺎﻧﺖ ﻣﻪﺭﻫﯘﻡ ﻛﯜﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﺭﺍﺩﺋﻮﻣﯩﺰﻧﻰ 2006 - ﻳﯩﻠﻰ 4 - ﻳﺎﻧﯟﺍﺭﺩﺍ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ ﻣﯘﺯﯨﻜﺎ ﺋﻮﺭﯗﻧﺪﺍﭖ ﻗﺎﻟﺪﯗﺭﻏﺎﻥ ﺧﺎﺗﯩﺮﻩ ﺳﯜﺭﯨﺘﻰ.
ﺗﺎﻻﻧﺘﻠﯩﻖ ﻣﯘﺯﯨﻜﺎﻧﺖ ﻣﻪﺭﻫﯘﻡ ﻛﯜﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﺭﺍﺩﺋﻮﻣﯩﺰﻧﻰ 2006 - ﻳﯩﻠﻰ 4 - ﻳﺎﻧﯟﺍﺭﺩﺍ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ ﻣﯘﺯﯨﻜﺎ ﺋﻮﺭﯗﻧﺪﺍﭖ ﻗﺎﻟﺪﯗﺭﻏﺎﻥ ﺧﺎﺗﯩﺮﻩ ﺳﯜﺭﯨﺘﻰ.
RFA Photo

كۈرەش ئەپەندى بىلەن ھاياتنىڭ بارلىق ئىسسىق - سوغۇقلىرىدا بىللە ياشىغان، سەپداش بولغان، ناخشىلىرىنى سۆيۈپ ئاڭلىغان تۇغقانلىرى، يېقىنلىرى، دوستلىرى، تونۇش - بىلىشلىرى ئېغىر قايغۇغا چۆمدى. تۇيۇقسىز كەلگەن شۇم خەۋەردىن گاڭگىراشتى، ئىسسىق كۈز ياشلار چاناقلاردىن ئېتىلدى. قەلىبلەرنى ئاچچىق، جۇدالىق تۇيغۇلار قاپلاپ ئالدى. چەكسىز ئارزۇ - ئارمانلىرىنى ئۆزى بىلەن ئېلىپ كەتكەن بۇ ئۇيغۇر ئوغلانىنىڭ ئۆلۈمىدىن كېيىن خەلق شۇنداق بىر نەرسىنى يەنى ئاز ياشىساڭمۇ خەلقىڭ ئۈچۈن تۆھپە قالدۇرۇپ كەت، ئۆچمەس نامىڭنى قالدۇرۇپ كەت دېگەن بىر ھەقىقەتنى يەنە بىر قېتىم چۈشەندى.

گەرچە، ھازىر مەرھۇم كۈرەش كۈسەن ئەپەندىنىڭ ئارىمىزدىن ئايرىلغىنىغا ئىككى يىل بولغان بولسىمۇ، ئۇنىڭ خەلقىمىزگە مىراس قالدۇرۇپ كەتكەن جەڭگىۋار، ياڭراق، مەنىلەرگە لىق تولغان كۈي - نەغمىلىرى خۇددى ئىلگىرىكىگە ئوخشاشلا ئۇيغۇر ئاسمىنىدا ياڭراپ، ئۇيغۇر خەلقىغە ئۈمىد،ئىشەنچ ۋە جاسارەت بەخش ئېتىپ كەلمەكتە.

مەرھۇم كۈرەش كۈسەن ئەپەندىنىڭ ۋاپاتىنىڭ ئىككى يىللىقى توشقان بۈگۈنكىدەك قايغۇلۇق كۈندە بارلىق تۇيغۇلىرىمىزغا ئورتاقلىشىش ئۈچۈن دۇنيا ئۇيغۇر قۇرۇلتىيىنىڭ رەئىسى،ئۇيغۇرلارنىڭ مىللىي رەھبىرى رابىيە قادىر خانىمنى زىيارەت قىلغىنىمىزدا، ئۇ ئۆزىنىڭ كۈرەش كۈسەن ئەپەندى ھەققىدىكى قايغۇسى ۋە يۈرەك سۆزلىرىنى ئىپادىلىدى. كۈرەش كۈسەن ئەپەندىنىڭ يارقىن ئىجادىيەتلىرىدىن بىرى بولغان رابىيە قادىر ناملىق ناخشا توغرىسىدا رابىيە قادىر خانىم ئۆز تەسىراتلىرى ھەققىدە توختالدى.

ئاخىرىدا رابىيە قادىر خانىم يەنە، مەرھۇمنىڭ ئارزۇ - ئارمانلىرى ۋە ھاياتىغا بولغان چەكسىز ھۆرمىتى ۋە قەلب ئارزۇسىنى ئىپادىلەپ ئۆتتى.

مەرھۇم كۈرەش كۈسەن ئەپەندىنىڭ قىسقا، ئەمما ئەھمىيەتلىك ئۆتكۈزگەن قىممەتلىك ھاياتى ئۇيغۇر قەلبىدە ھەر دائىم چولپاندەك پارلاپ، ئۇنىڭ ئارمانلىرىنى ئىشقا ئاشۇرىدىغان مىڭلاپ كۈرەشجانلار ئىز بېسىپ كەلگۈسى!

پىكىرلەر (0)
Share
تولۇق بەت