Қумул нернасидин тепилған қәдимки уйғур йезиқидики парчилар “майтири симит” ниң йоқап кәткән бәтлири икәнлики илгири сүрүлди
2012.12.28
“майтири симит” ниң һазирқи заман нәшри 1959 - йили қумул төмүртидин тепилған нусхисиға асаслинип һазирланған. Әсәрниң қумул нусхиси дәвримизгә қәдәр йетип кәлгән нисбәтән толуқ нусха болсиму, бирақ йәнила бузулған яки йоқап кәткән бир қисим бәтлири чала қалған иди.
Уйғур тор бәтлиридә ашкарилишичә, йеқинда издәнгүчиләр қумулниң нернаси дегән йеридин бир учум қәдими йезиқларни байқиған.
Йезиқлар йиртилип ушшақ парчиларға бөлүнүп кәткән болсиму, бирақ тор бәт хәвәрлиридә, бу йезиқлар уйғур хақани - тәңри бөгү ел билге арсланға беғишлап тәрҗимә қилинған “майтири симит” намлиқ әсәрниң йоқап кәткән парчилири икәнлики илгири сүрүлгән.
Бу мунасивәт билән биз америкида турушлуқ йипәк йоли мәдәнийити тәтқиқатчиси доктор қаһар баратни зиярәт қилдуқ.