Әнқәрәдә `мәһмут қәшқири рәсим көргәзмиси` ечилди

Мәһмут қәшқири туғулғанлиқиниң 1000 йиллиқи мунасивити билән бирләшкән дөләтләр тәшкилати пән - маарип комитети 2008 - йилини мәһмут қәшқирини хатириләш йили дәп елан қилған иди.
Мухбиримиз әркин тарим
2008.11.28
Mexmut-qeshqiri-korgezm-305.jpg Әнқәрәниң әң чоң сода сарайлиридин бири болған анқамалл сода сарийида ечилған `мәһмут қәшқири рәсим көргәзмиси` дин бир көрүнүш.
RFA Photo / Erkin Tarim

Бу мунасивәт билән 2008 - йили арқа ‏ - арқидин мәһмут қәшқири һәққидә һәр хил паалийәтләр өткүзүлмәктә. 2008 - Йили 2 - айда түркмәнистанниң ашхабад шәһиридә өткүзүлгән `түркологийиниң қурғучиси мәһмут қәшқири` мавзулуқ хәлқаралиқ илмий муһакимә йиғини билән башланған бу хатириләш паалийити, әнқәрәниң әң чоң сода сарайлиридин бири болған анқамалл сода сарийида ечилған `мәһмут қәшқири рәсим көргәзмиси` билән давам қилмақта.

Көргәзмигә мәһмут қәшқириниң түркий тиллар дивани намлиқ әсири вә бу әсәр һәққидә елип берилған тәтқиқат әсәрлири, мәһмут қәшқири һәққидә йезилған әсәрләр қоюлғандин башқа, мәһмут қәшқириниң қәбриси, опал қатарлиқ йәрләрдә яшаватқан уйғурларниң турмуши әкс әттүрүлгән рәсимләрму қоюлған.

Бу көргәзмә бир йилдин бери түркийиниң һәр қайси җайлирида давамлиқ һалда көрситиливатқан болуп, көргәзмә һәққидә техиму тәпсилий мәлумат елиш үчүн бу көргәзмини ачқан түркийә явру‏ - ася язғучилар җәмийити башлиқи др. яқуп делиөмәроғли вә көргәзмини айлиниватқан кишиләр билән сөһбәт елип бардуқ.

Мунасивәтлик хәвәрләр
Тәпсили хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.