Хитай, сәлкин тор бекитиниң башқурғучи муһәммәтҗан абдулланиң пейиға чүшкән

Хитай мәркизи радио истансиси уйғур бөлүминиң мухбири, сәлкин тор бекитиниң башқурғучи муһәммәтҗан абдулла, 5 ‏- июл үрүмчи вәқәси йүз берип узун өтмәй из - дерәксиз йоқап кәткән иди. Муһәммәтҗанни йеқиндин тонуйдиған достлириниң радиомизға инкас қилишичә, муһәммәтҗан қолға елинған болуши мумкин.
Мухбиримиз әркин
2009.09.02
Muhammed-Abdulla-Uyghur-Muxbir-305.jpg Бу сүрәт, хитай мәркизи радио истансиси уйғур бөлүминиң мухбири, сәлкин тор бекитиниң башқурғучи муһәммәтҗан абдулланиң йеқинқи сүрити.
Радиомиз оқурмәнлиридин бири тәминлигән.

Лекин униң һазир қәйәрдә тутуп турулуватқанлиқи мәлум әмәс, шундақла даириләр униң из‏- дерики һәққидә һечқандақ учур бәрмигән. Муһәммәтҗанниң сәлкин тор бекитидики бир тордиши радиомизниң зияритини қобул қилип, у из ‏- дерәксиз йоқап кетиштин бурун йүз бәргән ишлар һәққидә тохталди.

Хитай һөкүмити 5 ‏- июл үрүмчи вәқәсидин кейин елип барған кәң көләмлик бастуруш һәрикәтлиридә тиғ учини уйғур тор бәтлиригә қаритип, тор башқурғучилар вә тор қолланғучиларни қолға алған вә тутқун қилған.

Муһәммәтҗан абдулла шу қатарда из ‏- дерәксиз йоқалған тор башқурғучиларниң бири иди. Достлири билән ахирқи қетим 7 ‏- айниң 16 ‏- күни алақә қилған муһәммәтҗан шуниңдин бери из ‏- дерәксиз.

Муһәммәтҗанниң сәлкиндики бир тордеши, муһәммәтҗан из ‏- дерәксиз йоқап кетиштин бурун хитай бихәтәрлик даирилири униң пийиға чүшкәнликини билдүрди.

Мөһтәррәм оқурмәнләр, бу программимизда сәлкин ториниң башқурғучиси, хитай мәркизи радио истансисиниң мухбири муһәммәтҗан абдулланиң сәлкин тор бекитидики бир тордеши билән муһәммәтҗан абдулла һәққидә елип барған сөһбитимизни силәргә сундуқ.

Юқиридики аваз улинишидин, бу сөһбитимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.