Рабийә қадир ханим хизмәт зиярити үчүн норвегийигә йетип кәлди

Бүгүн әтигән д у қ рәиси рабийә қадир ханим билән д у қ ниң явропа иттипақида турушлуқ вәкили мәмәт тохти әпәнди хизмәт зиярити үчүн норвегийиниң бәргин шәһиригә йитип кәлди.
Ихтиярий мухбиримиз айгүл йүсүп
2011-10-31
Share
norwegiye-rabiye-ziyaret2-305.jpg Норвегийә уйғур җамаити вә рабийә қадир ханим һәққидә филим ишлимәкчи болған норвегийиликләр рабийә қадир ханимни қизғин күтүвалди. 2011-Йили 31-өктәбир.
RFA/Aygul Yusup

Рафто кишилик һоқуқ җәмийитиниң бир қисим әзалири дуня уйғур қурултийиниң муавин рәиси сәмәт абла вә норвегийә уйғур комитетиниң бәргин шәһиридә турушлуқ муавин рәислиридин абдукерим йетәкчиликидики уйғур җамаити шундақла рабийә қадир ханим һәққидә филим ишлимәкчи болған филим ишлигүчиләр айродромға чиқип меһманларни күтүвалди.

norwegiye-rabiye-ziyaret1-385.jpg
Д у қ рәиси рабийә қадир ханим билән д у қ ниң явропа иттипақида турушлуқ вәкили мәмәт тохти әпәнди хизмәт зиярити үчүн норвегийиниң бәргин шәһиригә йитип кәлди. 2011-Йили 31-өктәбир.
RFA/Aygul Yusup

Рафто кишилик һоқуқ җәмийитиниң сабиқ башлиқи арнә лйңаард әпәнди мухбирниң сориған соалиға җаваб берип мундақ деди:
"бу йил рафто кишилик һоқуқ җәмийитиниң қурулғанлиқиға 25 йил болди. Биз мушу мунасивәт билән илгири рафто кишилик һоқуқ мукапатиға еришкән кишилик һоқуқ күрәшчилирини тәклип қилдуқ, булар җәмий 15 дөләттин кәлди. Биз бу паалийәтни бир һәптә елип бармақчи. Бизниң бир һәптә паалийәт елип беришимиздики мәқситимиз һәр қайси дөләттин кәлгән қиммәтлик меһманлар арисида өз-ара мунасивәт тори шәкилләндүрүш, уларни өз ‏-ара тонуштуруш, өз ‏- ара тәҗрибә алмаштуруш, қандақ қилип йәр шари миқясида кишилик һоқуқ хизмитини яхши ишлигили болидиғанлиқиға аит истратегийини музакирә қилиш һәм шундақла мәзкур җәмийәтниң 25 йиллиқ хизмәт тарихи җәрянини меһманларға сөзләп өтүштин ибарәт."

norwegiye-rabiye-ziyaret3-385.jpg
Норвегийә уйғур җамаити вә рабийә қадир ханим һәққидә филим ишлимәкчи болған норвегийиликләр рабийә қадир ханимни қизғин күтүвалди. 2011-Йили 31-өктәбир.
RFA/Aygul Yusup

Арнә лйңаард әпәнди йәнә мундақ деди:
"бу қетим рабийә қадир бизниң алаһидә шәрәп меһминимиз болуп һесаблиниду. Биз өзимизни һәр қачан шәрқий түркистан вә уйғурларниң йеқин дости дәп һесаблаймиз, шу сәвәбтин биз рабийә қадир ханимға рафто кишилик һоқуқ мукапати бәргәндин тартип та һазирғичә қолимиздин кәлгән әмәлий паалийәтлиримиз арқилиқ шәрқий түркистан давасини қоллап кәлдуқ. Рабийә қадир ханим бу бир һәптә җәрянида меһманларға шәрқий түркистанниң әһвали һәққидә көпләп мәлумат йәткүзиду."

Норвегийә рафто кишилик һоқуқ җәмийитини қурулғанлиқиниң 25 йиллиқ хатирә паалийити бир һәптә давамлишидиған болуп, мәмәт тохти вә сәмәт абла әпәндиләр рабийә қадир ханимға һәмраһ болуп бу хатириләш мурасимиға қатнишиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт