Norwégiyide 5-iyul weqesini xatirilesh namayishi ötküzüldi

Dunya Uyghur qurultiyining bir tutash orunlashturushi, norwégiye Uyghur komitétining teshkillishi bilen norwégiye paytexti osloda 5-iyul ürümchi weqesini xatirilesh namayishi ötküzüldi.
Ixtiyariy muxbirimiz aygül yüsüp
2011.07.05
norwigiye-namayish-5-iyul1-305.jpg Norwégiyide ötküzülgen 5-iyul ürümchi weqesini xatirilesh namayishi. 2011-Yili 5-iyul.
RFA/Aygul

Buningdin ikki yil ilgiriki del mushu künde özlirining insani heq-hoquqlirini telep qilip tinch namayishqa chiqqan Uyghurlar qanliq qirghin qilishqa uchrighan, minglap bigunah kishiler tutqun qilin'ghan, iz-déreksiz yoqap ketken idi. Mushu qanliq tarixni menggü untumasliq,,ölüp ketken, yoqap ketken qérindashlirining iz-dérikini qilish, ulargha bolghan chongqur séghinish we hörmitini izhar qilish we bu qanliq paji'ening tüp sewebchisi bolghan mustebit xitay hakimiyitige bolghan qehri-ghezipini bildürüsh shundaqla xitay hakimiyitining qanxor siyasiy chümperdisini yirtip tashlap ularning heqiqiy mahiyitini xelq'arada ashkarilashni chet'ellerde yashawatqan her bir Uyghurning muqeddes wezipisi hésablighan norwégiyidiki bir qisim Uyghurlar bügün ish küni bolushigha qarimay namayish pa'aliyiti élip bardi.

norwigiye-namayish-5-iyul2-385.jpg
Norwégiyide ötküzülgen 5-iyul ürümchi weqesini xatirilesh namayishi. 2011-Yili 5-iyul.
RFA/Aygul

Norwégiye Uyghur komitétining re'isi perhat yaqup ependi bügünki namayish heqqide toxtaldi.

Norwégiye Uyghur komitétining bash katipi tursun shemshi ependi bügünki namayishning kün tertiplirining intayin yaxshi dawam qiliwatqanliqini bayan qildi.

Bügünki namayishqa yash-ösmürlermu aktipliq bilen ishtirak qilghan bolup, etraptiki kishilerge namayish wereqilirini tarqitip kétiwatqan kichik qiz oz tesiratini bildürdi.

Öz ismini ashkarilashni xalimighan, emma namayish jeryanida eng jenggiwar sho'arlarni toxtimay towlap özining xitay hökümitige bolghan ghezep-nepritini ipadilidi.

Bügünki namayish sherqiy türkistanning ay-yultuzluq kök bayriqini égiz kötürüp, xitaygha qarshi türlük sho'arlarni jarangliq towlap, özlirining heq-hoquqliri we xitayning mustebit siyasitini sho'arliri, süretlik teshwiqat plakatliri we teshwiqat wereqiliri bilen teshwiq qiliwatqan namayishchilarning tertiplik pa'aliyetliri arqisida chüsh sa'et ikkidin beshkiche muweppeqiyetlik dawamlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.