Nursultan nazarbayéf qazaqistandiki Uyghurlargha télégramma yollidi

Yéqinda qazaqistan prézidénti nursultan nazarbayéf qazaqistan Uyghurliri jumhuriyetlik medeniyet merkizi we quddus ghojamiyarof namidiki jumhuriyetlik dölet Uyghur muzikiliq komédiye tiyatiri namigha télégramma yollighan bolup, u “Uyghur awazi” gézitide élan qilindi. Melumki, memliketning musteqilliq yillirida érishken utuqliri hemde uningdiki prézidéntning töhpisi shundaqla mewjut iqtisadiy, ijtima'iy, medeniy mesililer heqqide öz oy-pikirlirini bildürüp yézilghan köp sandiki xetler prézidéntning shexsiy pochtisigha kélip chüshmekte. Shular jümlisidin jumhuriyetlik Uyghur medeniyet merkizi we Uyghur ziyaliyliri wekilliri namidinmu qazaqistan prézidénti namigha “Ortaq oyimizdiki tinchliq hayat mustehkem bolidu” mawzusida xet ewetilgen bolup, uning mezmuni “Égémén qazaqistan” we “Kazaxstanskaya prawda” gézitliride orun alghan idi.

Qazaqistan prézidénti öz télégrammisida Uyghurlarning memlikettiki iqtisad we medeniyet, ilim we bilim, shundaqla milletler ara dostluq we öz-ara razimenlikni mustehkemleshtiki töhpisini atap kélip, Uyghur tiyatiri kolléktipigha, ilim-pen we medeniyet erbablirigha, barliq Uyghurlargha utuqlar tiligen.