بېيجىڭ ئولىمپىك تەنھەرىكەت يىغىنىغا خىتاينىڭ زور ھەربىي كۈچىنى سېلىشىنىڭ ھاجىتى بارمۇ؟

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻜﻨﻰ ﺗﯧﺮﺭﻭﺭﻟﯘﻕ ﻫﯘﺟﯘﻣﯩﺪﯨﻦ ﻗﻮﻏﺪﺍﺵ ﺋﯜﭼﯜﻥ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﺗﻪﻧﺘﻪﺭﺑﯩﻴﻪ ﺯﺍﻟﯩﻨﯩﯔ ﺑﯩﻘﯩﻨﯩﻐﺎ ﺋﻮﺭﯗﻧﻼﺷﺘﯘﺭﻏﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺋﻪﺳﻠﯩﻬﻪﻟﯩﺮﯨﺪﯨﻦ ﻛﯚﺭﯛﻧﯜﺵ.

 بۇنىڭ ئىچىدە 34 مىڭى خىتاي ئارمىيىسىنىڭ جەڭچى، ئوفېتسىرلىرى بولۇپ، 74 ھەربىي ئايروپىلان، 48 تىك ئۇچار ھەمدە 33 ھەربىي پاراخوت ۋە باشقا زور مىقداردىكى زامانىۋى ھەربىي ئەسلىھەلەرنى ئىشلىتىدىكەن.

خىتاي ئەسكەرلىرىدىن تەركىپ تاپقان ئولىمپىك بىخەتەرلىك قىسىملىرى بولسا، ئولىمپىك مۇسابىقە مەيدانى ئىچى ‏ - سىرتىنى تېررورچىلارنىڭ ھاۋادىن، يەردىن ھەمدە دېڭىزدىن ھۇجۇم قىلىشىنىڭ ئالدىنى ئېلىشنى ئاساس ۋەزىپە قىلغان ئىكەن.

خىتاينىڭ ئولىمپىك تەييارلىقىغا زور مىقداردا ئەسكىرى كۈچىنى چىقىرىشى دۇنيا مەتبۇئاتىدا، خىتاي ھەربىي تەھدىتى ھەققىدىكى مۇلاھىزىلەرنىڭ قايتا كۈچىيىشىگە سەۋەب بولدى.

بۇ مۇناسىۋەت بىلەن مۇخبىرىمىز گۈلچېھرەنىڭ خىتاي دائىرىلىرىنىڭ ئولىمپىك بىخەتەرلىكى ئۈچۈن بۇنچە زور مىقداردا ھەربىي كۈچى ئىشلىتىشىنىڭ ھاجىتى بارمۇ دېگەن تېمىدا ئىلگىرى ئۇيغۇر ئېلىدىكى خىتاينىڭ مەلۇم ھەربىي قىسىمدا تۇرغان، ھازىر ئامېرىكىدا ياشاۋاتقان ئۇيغۇر زىيالىسى ئىلشات ئەپەندى بىلەن ئۆتكۈزگەن سۆھبىتىنى دىققىتىڭلارغا سۇنىمىز.