ئائىلە خاپىچىلىقى سەۋەبلىك ئۆيىدىن قېچىشقا مەجبۇر بولغان پاكىستاندىكى ئۇيغۇر ئايال بالىلىرى بىلەن بىرلىكتە يۇرتىغا قايتماقچى بولغاندا، پاكىستاندىكى خىتاي ئەلچىخانىسى توسقۇنلۇق قىلغان. كورلىلىق ئايال ئاسىيەنىڭ ئۆزى ۋە ئىككى بالىسى خىتاي پۇقراسى قالغان ئىككى بالىسى پاكىستان پۇقراسى بولۇپ، خىتاي كونسۇلى ئاسىيەنىڭ بۇ بالىلارنى يۇرتىغا ئېلىپ كېتىشى ئۈچۈن يولدىشىدىن ۋە پاكىستاندىكى يەرلىك دائىرىلەردىن خەت تەلەپ قىلغان. ئۇنىڭ نۆۋەتتە ھاياتى بىخەتەرلىكىنىڭ تەھدىد ئاستىدا ئىكەنلىكىگە پەرۋا قىلمىغان؛ ئۇنىڭ ئىقتىسادى جەھەتتىكى قىيىنچىلىقلىرى بىلەنمۇ كارى بولمىغان.