Париж шәһиридә әркинлик мәшилини көтүрүп меңиш паалийити елип берилди

Мушу йәкшәнбә йәни 22 - июн күни франсийиниң пайтәхти париж шәһиридә франсийә тибәт комитетиниң орунлаштуруши арқисида франсийидики уйғурлар әркинлик мәшилини көтүрүп меңиш паалийитигә қатнашти.
Мухбиримиз айгул йүсүп хәвири
2008-06-26
Share

 Мәзкур паалийәткә франсийә уйғур комитетиму алаһидә тәклип қилинған болуп улар бу қетимқи паалийәткә әтраплиқ тәйярлиқлар билән иштирак қилған .

Бу қетимқи паалийәткә уйғурлар,  тибәтләр, фалунгуңчилар, демократик хитайлар вә башқа демократийини яқлиғучи күчләр вә намайиш көргүчиләрдин болуп 10миңдин артуқ киши қатнашқан болуп, паалийәтниң асаслиқ мәқсити хитайда өткүзүлмәкчи болған олимпик тәнһәрикәт йиғинини байқут қилишни асаслиқ нишан қилған.

Саәт 12 дә башланған мәшәл көтүрүп меңиш намайиш паалийитидә җәми 21 адәм нөвәт билән мәшәл көтүрүп маңған болуп уйғурлардин чирайлиқ доппа вә уйғурчә әнәниви кийим кийгән уйғур қизи нургүл мәшәл көтүргүчиләрниң 6 ‏ - си болуп әркинлик мәшилини көтүргән.

Уйғурлар бу қетимқи паалийәткә уйғурчә әнәниви кийим ‏ - кечәклирини кийгән, қоллириға ай - юлтузлуқ көк байрақни көтүргән һалда қатнашқан болуп, уларниң башлириға кийгән чирайлиқ доппилири, әтләс көйнәкләр, әрләрниң учисидики есил тонлар әтраптики кишиләрниң алаһидә диққиитини қозғиған. Мәзкур намайиш чүш саәт 12 дә башланған болуп чүштин кейин саәт 5 тә нәтиҗилик ахирлашқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт