پارىژدا ئۆتكۈزۈلگەن ئولىمپىكتىن كېيىنكى خىتاي مەسىلىسى ھەققىدىكى مۇھاكىمە يىغىنىغا ئۇيغۇرلارمۇ قاتناشتى

 يىغىندا خىتاينىڭ ئولىمپىكتىن كېيىن ئېلىپ بارىدىغان سىياسەتلىرى مۇھاكىمە قىلىنىش بىلەن بىرگە، ئۇيغۇر دىيارىدا يېقىندا يۈز بەرگەن قوراللىق قارشىلىق ھەرىكەتلىرى مۇزاكىرە قىلىنغان ۋە خىتاي دېموكراتلىرىدىن ۋېي جىڭ شىڭ "بۇ يوللۇق قوغدىنىش ھەرىكىتى، بۇ ھەرىكەتتىن پۈتكۈل جۇڭگو خەلقى ئۈلگە ئېلىشى كېرەك،" دېگەن.
 
تۇرسۇن ئەپەندى يىغىن جەريانىدا، شەرقىي تۈركىستاننىڭ ئومۇمى ۋەزىيىتىدىن مەلۇمات بېرىش بىلەن بىرگە، قەشقەر ۋە كۇچا قاتارلىق جايلاردا يۈز بەرگەن ۋەقەلەردىن ئۇچۇرلار بەرگەن. ئۇ يەنە تىبەتنىڭ روھانىي داھىيسى دالاي لاما بىلەن كۆرۈشۈپ، ئۇيغۇرلارنىڭ سالامىنى يەتكۈزگەن.
 
يۇقىرىدىكى ئاۋاز ئۇلىنىشىدىن، ئىختىيارى مۇخبىرىمىز ئەكرەمنىڭ تۇرسۇن ئەپەندى بىلەن ئېلىپ بارغان سۆھبىتىنىڭ مەزمۇنىدىن ۋاقىپ بولىسىلەر.