Қағилиқтики пичақ билән һуҗум қилиш вәқәсидә 21 киши өлгән

Мухбиримизниң бүгүн қағилиқ наһийисидики йәрлик даириләрдин игилишичә, түнүгүн қағилиқ наһийә базирида йүз бәргән хитай көчмәнлиригә пичақ билән һуҗум қилиш вәқәсидә, икки тәрәптин җәмий 21 киши өлгән.
Мухбиримиз шөһрәт һошур
2012.02.29
Share on WhatsApp
Share on WhatsApp
qeshqer-hujum-16-olum-305 2008‏-Йили 4 - авғуст сәһәрдики 2 уйғурниң хитай қораллиқ сақчилириға қилған һуҗумидин кейин, хитай сақчилири пүтүн қәшқәр кочилирида разведкини күчәйткән болуп, сүрәттә, чарлиғучи хитай сақчилири чәтәлликләр билән сөзләшмәктә.
AFP Photo

Ашкарилинишичә, хитай көчмәнлиригә һуҗум қилған һуҗумчиларниң сани 9 нәпәр болуп, улар хитай көчмәнлиридин 10 нәпирини пичақ тиқип өлтүргән, он нәччисини яриландурған. Нәқ мәйданға йетип кәлгән хитай сақчилири һуҗумчилардин 8 нәпирини нәқ мәйданда етип ташлиған, бир нәпирини әсир алған.

Биз бүгүн алди билән қағилиқ наһийилик тәшвиқат идарисигә телефон қилдуқ. Тәшвиқат идариси вәқәни һазирчә ашкарилимайдиғанлиқини вә өзлириниң мухбир қобул қилалмайдиғанлиқини баян қилди. Биз шуниңдин кейин, қағилиқ наһийисидики бир қисим идарә башлиқлири вә сақчи хадимлириға телефон қилип, вәқәниң баш-ахири вә ақивити һәққидә мәлумат игилидуқ.

Мәлуматларға қариғанда, хитай һөкүмити вәқәниң тәпсилати һәққидә асаси қатламдики кадир вә сақчиларғиму хәвәр бәрмигән. Пәқәт наһийидики бир түркүм идарә башлиқлирила вәқәдин хәвәрләндүрүлгән. Демәк, вәқәниң хитай көчмәнлиридә вәһимә пәйда қилип қоюшиниң алди елинмақта. Бу қетимқи вәқәдики һуҗум қораллири вә һуҗум нишанидин қариғанда, бу вәқәниң бир түркүм уйғур пидаийлар тәрипидин, 2010-йили язда қәшқәрдә башланған, хитай көчмәнлирини агаһландурушни мәқсәт қилған миллий қаршилиқ һәрикити икәнлики мәлум болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.