“дуня шәрқий түркистанлиқлар қериндашлиқ учришиш йиғини” да оттуриға қоюлған пикир вә тәклипләр

3-Нөвәтлик “дуня шәрқий түркистанлиқлар қериндашлиқ учришиш йиғини” түркийиниң болу шәһиригә қарашлиқ мудурну саяһәт районидики бир меһманханида давам қиливатиду.
Ихтиярий мухбиримиз арслан
2011.06.27
turkiye-yighin-305.jpg 3-Нөвәтлик “дуня шәрқий түркистанлиқлар қериндашлиқ учришиш йиғини” түркийиниң болу шәһиригә қарашлиқ мудурну саяһәт районидики бир меһманханида давам қилмақта. 2011-Йили 24-июн.
RFA/Arslan

Бу йиғин бүгүн, йәни 24-июн күни 6-күнигә қәдәм қойди. Бу йиғинда һәр хил темиларда доктор вә профессорлар, уйғур зиялийлири сөз қилған болуп, йиғинда баштин ахири қериндашлиқ мунасивәтни күчәйтиш, өз ара һәмкарлишиш вә һәмкарлиқни күчәйтиш мәсилисиниң асасий тема болғанлиқи мәлум.

Бүгүнки йиғинда асаслиқи йиғинға қатнишиватқан 80 дин артуқ йиғин иштиракчилири 4 гуруппиға айрилди вә немә тоғрисида һәмкарлишиш? һәмкарлиқни қандақ күчәйтиш? қандақ һәмкарлишиш?  қайси саһәдә һәмкарлишиш имканийити мәвҗут? дегәнгә охшаш темилар бойичә музакирә қилинди вә бу һәқтә оттуриға қоюлған пикир-тәклипләр хатиригә елинди.

Биз бу йиғинда һәмкарлиқ тоғрисида оттуриға қоюлған пикир-тәклипләр тоғрисида толуқ мәлумат елиш үчүн йиғинға қатнишиватқан бир қисим уйғур зиялийлири билән сөһбәт елип бардуқ.

Бу йиғинға қатнишиватқан уйғур зиялий абдулла һаҗи бу һәқтә оттуриға қоюлған пикир тәклипләрни баян қилип мундақ деди: һазирчә бу йиғинда асаслиқи 4 түрлүк саһәдә һәмкарлишиш тоғрисида пикирләр оттуриға қоюлди, булардин 1-тәлим-тәрбийә саһәсидә һәмкарлиқ қилиш. 2-Тәшвиқат вә ахбарат саһәсидә һәмкарлиқ қилиш. 3-Дини дәвәт вә сөһбәт йиғини уюштурушта һәмкарлиқ қилиш. 4-Иқтисадий саһәдә һәмкарлиқ қилиш дегәнгә охшаш төт саһәдә һәмкарлишиш тоғрисида пикирләр оттуриға қоюлди.

Биз йәнә бу йиғинға қатнишиватқан дуня уйғур қурултийиниң дини ишлар мудири турғунҗан алавуддин қатарлиқ бир қисим әрбаблар билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.