رابىيە قادىر خانىم 19-يانۋار كۈنى مۇخبىرلارغا بايانات بېرىپ ئۇيغۇر مەسىلىسىنى ئاڭلاتتى

رابىيە قادىر خانىم ئۆز باياناتىدا «5-ئىيۇل ئۈرۈمچى ۋەقەسىدىن بۇيان، تور بەتلىرىدە ماقالە-ئەسەر ئېلان قىلغانلىقى ئۈچۈنلا قولغا ئېلىنىپ، ئېغىر جازاغا تارتىلغان ئۇيغۇر مۇخبىر، زىيالىيلىرى، تور بەت باشقۇرغۇچىلىرىنىڭ ئەھۋالىنى ئاڭلىتىپ، ئوباما ھۆكۈمىتىدىن خىتاي رەئىسى خۇ جىنتاۋنىڭ ئامېرىكا زىيارىتى مەزگىلىدە خىتايدا بارغانچە يامانلىشىۋاتقان ئۇيغۇر، تىبەت قاتارلىق مىللەتلەرنىڭ مىللىي ھوقۇقى مەسىلىلىرى ھەم كىشىلىك ھوقۇق مەسىلىلىرىنى ئوتتۇرىغا قويۇشنى تەلەپ قىلدى.

بۈگۈن ئامېرىكا دۆلەت مەجلىسىنىڭ رېبرېېن بىناسىدا ئېچىلغان مۇخبىرلارغا بايانات بېرىش يىغىنىدا يەنە، ئامېرىكىدىكى بىر قىسىم كىشىلىك ھوقۇق تەشكىلاتلىرى، تىبەت تەشكىلاتلىرى ھەم خىتاي دېموكرات تەشكىلاتلىرىنىڭ رەھبەرلىرىمۇ بايانات بېرىپ، ئوباما ھۆكۈمىتىنى خىتاي رەئىسى خۇ جىنتاۋنىڭ ئامېرىكا زىيارىتى مەزگىلىدە، خىتايدا بارغانچە يامانلىشىۋاتقان كىشىلىك ھوقۇق مەسىلىسىنى ئوتتۇرىغا قويۇشقا چاقىردى.