Рабийә қадир ханим әлҗәзирә телевизийиси вә германийә долқунлири радиосиниң зияритини қобул қилди

Уйғур миллий һәрикитиниң йетәкчиси, дуня уйғур қурултийиниң рәиси рабийә қадир ханим өткән бир һәптә шиветсарийидә, шиветсарийә ташқи ишлар министирлики вә шиветсарийә парламентидики юқири дәриҗилик әмәлдарлар билән учришип, уйғурларниң нөвәттики сиясий вәзийити һәққидә сөһбәтләр өткүзди.
Мухбиримиз әқидә
2009.03.10
Share on WhatsApp
Share on WhatsApp
rabiye-yawropa-305 Сүрәт, рабийә қадир ханим 2007 - йили ийун прагда.
Courtesy of UAA / Rushan Abbas / File Photo

Шундақла, гуәнтанамодики уйғурларниң бир қисимлириниң шиветсарийигә орунлишиши үчүн илтимас сунуш, шуниңдәк шиветсарийә кишилик һоқуқ тәшкилатлири билән музакирә елип бериш паалийәтлирини елип берип, мувәппәқийәтләрни қолға кәлтүрди.

Рабийә қадир ханим шиветсарийидики зияритини ахирлаштуруп германийигә келип, мәркизи миюнхендики дуня уйғур қурултийиниң идарисида дуня уйғур қурултийиниң муавин рәиси, дуня уйғур қурултийиниң баш катипи билән хизмәт хуласиси вә йеңи хизмәт пиланлирини түзүш билән биргә, германийидә яшаватқан уйғур җамаити билән көрүшти.

Рабийә қадир ханим германийидә мәшһур әлҗәзирә телевизийиси вә германийә радио - телевизийисиниң мәхсус зияритини қобул қилди. Рабийә ханим телевизийә вә радио истансилириниң программилирида айрим - айрим 2 саәткә йеқин уйғурлар һәққидә тохталди.
 
Дуня уйғур қурултийиниң баш катипи долқун әйса әпәнди, әлҗәзирә телевизийиси вә германийә долқунлири радиосиниң рабийә ханимни зиярәт қилиш мәқсити һәққидә шуниңдәк германийидики иш паалийәтлири һәққидә бизгә чүшәндүрүш бәрди.

Шиветсарийиниң җәнвә шәһиридә өткүзүлүватқан кишилик һоқуқ йиғини шуниңдәк җәнвә университетида өткүзүлидиған кишилик һоқуқ йиғинлириға рабийә қадир ханим алаһидә тәклип қилинған болуп, рабийә қадир ханим дуня уйғур қурултийиниң паалийәт программилириниң җидди болуши сәвәблик мәзкур йиғинларға долқун әйса әпәндиниң вакалитән қатнишишини орунлаштуруп, өзи йәнә австралийә сәпири үчүн йолға чиқип кәткән.

Долқун әйса әпәнди, җәнвәдә елип берилидиған йиғинлар һәққидә тонуштуруш бәрди вә җәнвә шәһиридә өткүзүлмәкчи болған бирләшкән дөләтләр тәшкилати кишилик һоқуқ кеңишиниң омумий йиғини һәққидә тохталди.

Уйғур миллий һәрикитиниң йетәкчиси дуня уйғур қурултийиниң рәиси рабийә қадир ханим, австралийидә йәнә бир қатар муһим паалийәтләрни қилмақчи.

Юқиридики аваз улинишидин, рабийә қадир ханимниң мәзкур паалийәтлири тоғрисида дуня уйғур қурултийиниң баш катипи долқун әйса әпәнди билән өткүзгән сөһбитимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.