رابىيە خانىم توكيودا سىياسەتچىلەر ۋە مۇخبىرلار بىلەن سۆھبەت ئېلىپ باردى

ﺳﯜﺭﻩﺕ، 20 - ﺩﯦﻜﺎﺑﯩﺮ ﻛﯜﻧﻰ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺋﺎﻓﭗ ﻣﯘﺧﺒﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﯟﺍﺗﻘﺎﻧﺪﯨﻜﻰ ﻛﯚﺭﯛﻧﯜﺷﻰ.

بۇلاردىن باشقا يەنە بەزى سىياسەتچىلەر بىلەن ئۇچرىشىپ ئۇلارغا ئۇيغۇر مەسىلىسى ھەققىدە مەلۇمات بەرگەن. رابىيە قادىر خانىمنىڭ رادىئومىزغا بەرگەن مەلۇماتىغا قارىغاندا بۈگۈنكى ئۇچرىشىشلىرىدا نۇقتىلىق ھالدا 5 - ئىيۇل ئۈرۈمچى ۋەقەسىدە تۇتۇپ كېتىلگەن ۋە يېقىندا ئۆلۈم جازاسى بېرىلگەن 12 ئۇيغۇرنىڭ ئادىل سوتلانمىغانلىقىنى ئېيتقاندىن كېيىن ياپون ھۆكۈمىتىنى ۋە ياپون جامائەتچىلىكىنى خىتايلارغا بېسىم ئىشلىتىشقا چاقىرغان.
 
بىز يەنە رابىيە قادىر خانىمنى ياپونىيىدە 10 ئۇنىۋېرسىتېتتا لېكسىيە سۆزلەشكە تەكلىپ قىلغان كاگوشىما خەلقئارا ئۇنىۋېرسىتېتى فىلولوجى فاكۇلتېتى مۇدىرى نىشىخاۋا سىچى ئەپەندى بىلەنمۇ سۆھبەت ئېلىپ باردۇق. ئۇ بىزگە رابىيە قادىر خانىمنى ئالاھىدە تەكلىپ قىلىشىدىكى مەقسەت ۋە بۇنىڭ ئەھمىيىتى ھەققىدە مەلۇمات بەردى. ئۇ رابىيە قادىر خانىم ياپونىيىگە كېلىشنىڭ ئالدىدا خىتايلارنىڭ ئۇنىۋېرسىتېتقا كېلىپ نارازىلىق بىلدۈرگەلىكىنى، ئەمما ئۇلارنىڭ ياپونيىنىڭ دېموكراتىك دۆلەت ئىكەنلىكىنى ئېيتىپ خىتايلارغا رەددىيە بەرگەنلىكىنى ئېيتتى.

دۇنيا ئۇيغۇر قۇرۇلتىيى رەئىسى، رابىيە قادىر خانىم 10 - ئاينىڭ20 - كۈنىدىن 11 - ئاينىڭ 2 - كۈنىگىچە ياپونىيىدىكى 10 ئۇنىۋېرسىتېتتا "يىپەك يولىدىكى ئەجدەرھا بىلەن ئېلىشىۋاتقان ئۇيغۇر ئانىسى" تېمىسىدا لېكسىيە سۆزلىمەكچى. شۇنداقلا ياپونچە نەشىر قىلىنغان كىتابىنىمۇ تونۇشتۇرماقچى.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.