تۈركىيىدىكى ئۇيغۇرلار رامزان ئېيىنى ئىناقلىق ۋە ھەمكارلىق ئىچىدە ئۆتكۈزمەكتە

تۈركىيىدىكى قولىدا بار ئۇيغۇرلار تۈركلەرگە ئوخشاشلا ھەر كۈن دېگۈدەك ئوپچە ئىپتار تاماقلىرى بەرمەكتە ،يوقسۇللارغا ياردەم قىلماقتا.

تۈركىيە پارلامېنتى باشلىقى جەمىل چېچەك ئەپەندى تۈركىيىدىكى بايلارنى ھەشەمەتلىك مېھمانخانىلاردا ئىپتار زىياپىتى بەرمەي، ئافرىقىدا ئاچلىقتىن ئۆلۈۋاتقان كىشىلەرگە ياردەم ئەۋەتىشكە چاقىرغان ئىدى. بۇ تەكلىپكە بىنائەن تۈركىيىدىكى كىشىلەر ھەشەمەتلىك زىياپەتلەرنى بىكار قىلىپ زىياپەتلەردە خەجلىنىدىغان پۇللارنى ئافرىقىغا يوللىماقتا. تۈركىيىدىكى مىڭلىغان ئاممىۋى تەشكىلاتلار رامزان ئېيى مۇناسىۋىتى بىلەن نامراتلارغا ھەر خىل ياردەم بۇيۇملىرىنى تارقاتماقتا.

تۈركىيىدىكى شەرقىي تۈركىستان ئاممىۋى تەشكىلاتلىرى ۋە ئۇيغۇر بايلار ئوپچە ئىپتار زىياپەتلىرى ئۆتكۈزگەندىن سىرت، ئاتا-ئانىسىدىن ئۇزاق جايدا روزى ئېيى ئۆتكۈزۈشكە مەجبۇر قالغان ئۇيغۇر ئوقۇغۇچىلارغا ئىپتار ئۈچۈن رېستورانلارنىڭ تاماق بىلەتلىرىنى تارقىتىپ بېرىپ، خالىغان كۈندە ئۇيغۇر ئاشخانىلىرىدا ئىپتار تامىقى يېيىشىنى كاپالەتكە ئىگە قىلماقتا.

تۈركىيىدىكى ئۇيغۇرلار رامزان ئېيىنى قانداق ئۆتكۈزۈۋاتىدۇ؟ رامزان ئېيىدا نامراتلارغا ياردەم قىلسا قانداق ساۋابلارغا ئىگە بولىدۇ دېگەنگە ئوخشاش سوئاللارغا جاۋاب تېپىش ئۈچۈن تۈركىيىدىكى ئۇيغۇرلار بىلەن سۆھبەت ئېلىپ باردۇق.