Шаярда йүз бәргән 29 ‏ - январ маҗирасиниң тәпсилий әһвали

Игиләшлиримиздин қариғанда, нөвәттә шаяр наһийисидики оюнчуқханиларниң херидарлири асасән уйғурлар; оюнханиниң хоҗайин вә башқурғучилири болса пүтүнләй хитайлар. Еликтронлуқ оюнчуқлардики утуш - уттуруш мәсилиси икки тәрәп арисида давамлиқ җедәл - маҗраларға сәвәб болмақта.
Мухбиримиз шөһрәт һошур
2009-02-03
Share
Uyghurlarni-tutqun-qilish-305 Шәндуң университетида оқуватқан бир нәччә уйғур оқуғучиларниң, чиңдав шәһиридики мәлум хитай сақчи даирилири тәрипидин қаттиқ урулуп арқидин тутқун қилинған көрүнүш.
Сүрәт boxun.com Тор бетидин елинди. Нәшрийат һоқуқи boxun.com Ниң.

Маҗиралар, сақчи хадимлириниң оюнхана игилиригә ян бесиши, уларни қоғдиши, уйғурларни болса тутуш вә бесиши билән бир тәрәп қилинмақта. Нәтиҗидә вәқәниң сиясий вә миллий характери ашкариланмақта.

Бу қетим йүз бәргән 29 ‏ - январ маҗираси шаярда йеқинқи йиллардин бери йүз бәргән 10нәччә қетимлиқ маҗираниң пәқәт бирси, һәтта ахирқисиму әмәс, шуниңдин 3 күн кейин әнә әшу базарда охшаш вәқә йәнә бир қетим йүз бәргән. Йәнә икки нәпәр уйғур ярилинип дохтурханиға апирилған.

Биз бүгүн 29 ‏ - январ маҗирасида әң еғир яриланған уйғур яш сираҗидин билән сөһбәтләштуқ. У, әшу күнидики вәқә җәряни һәққидә бизгә мәлумат бәрди.

Шаярдики йәрлик хәлқтин әһвал игилигинимиздә, оюнхана хоҗайинлириниң уйғур яшлирини кочидики уйғурларға көрситип туруп урғанлиқини, сирттики уйғурларниң сақчиға хәвәр қилғанлиқини, сақчилар йетип кәлгәндә, оюнхана саһиплириниң сақчиларға ишикни ечип бәрмигәнликини, андин кочидики уйғурларниң һәм сақчиларға һәм оюнхана саһиплириға наразилиқ билдүрүп, оюнханиға таш - кесәк билән һуҗум қилғанлиқини вә бастуруп киргәнликини билдүрди.

Толуқсиз мәлуматлардин қариғанда, сақчилар шу күни әтраптики уйғур җамаитини наразилиқ билдүрүшкә чақирған нәбиҗан давут, әнвәр вә абликим қатарлиқ 3 нәпәр яш, вә йәнә икки нәпәр тиҗарәтчини тутқун қилған, шундақла уларға 15 күнлүк тохтитип қоюш җазаси берилгән.

Наразилиқ һәрикитидә қануний дава қилғучилардин болған нәбиҗан давут билән әнвәр алий мәктәп оқуғучилиридур. Улар нөвәттә тутуп туруш орнида, уларниң җазасиниң мана мушу 15 күнлүк тохтитиш билән түгәйдиған - тугимәйдиғанлиқи техи мәлум әмәс.

Нөвәттә шаяр хәлқи җәмийәткә изчил вәқә туғдуруп бериватқан оюнчуқханиларни тақашни тәләп қилмақта.

Бу программимизда йәнә, 2 ‏ - айниң 1 ‏ - күнидики иккинчи қетимлиқ маҗирада яриланған бир уйғур яшниң вәқә тоғрисида ейтқанлирини силәргә сундуқ.

Юқиридики аваз улинишидин, шаярда йүз бәргән 29 ‏ - январ маҗираси һәққидә бәргән хәвиримизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт