Шветсийә мәмликәтлик ислам дини җәмиийтиниң ислам мәсилилири йиғинида уйғур мәсилиси тонуштурулмақчи

Шветчә чиқидиған “шиветсийә мәмликәтлик ислам дини җәмийти” ниң тор бетидин мәлум болушчә, шветсийә мәмликәтлик ислам дини җәмийтиниң 32 - қетимлиқ ислам мәсилилири йиғини - 12йниң - 23күнидин - 25күнигичә стокһолимда ечилидиған болуп, бу йиғинда уйғур мәсилиси тонуштурулмақчи.
Ихтиярий мухбиримиз ялқун
2012.12.21
dolqun-eysa-shwitsiye-dokilat-305.png Дуня уйғур қурултийи иҗраийә комитетиниң рәиси долқун әйса әпәнди докилат бәрмәктә
RFA/Yalqun


Шиветсийә мәмликәтлик ислам дини җәмийти шималий яврупадики көлими бирқәдәр зор болған, нами бар җәмиийәтләрниң бири болуп, 32 йилдин бири йилда бир қетим стокһолимда ислам мәсилилири бойичә йиғин чақирип, ислам дуняси дуч киливатқан қийин мәсилиләрни музакирә қилип кәлмәктә.

Һәр йиллиқ йиғинда дуняниң һәрқайси җайлиридин тәклип қилинған көзгә көрүнгән ислам дини алимлири вә мутәхәссислири сөзгә чиқип, лексийәләр оқуйду вә муһим мәсиилиләр һәққидә нәқ мәйдан муназирилири елип бариду.

Шветсийә уйғур маарип уюшмиси бу йиғинға 6 йилдин бири изчил тәклип билән қатнишип келиватқан бирдин - бир уйғур тәшкилати болуп, һәр йиллиқ йиғинда уйғур мәсилисини ислам дунясиға аңлитиш пурситигә иришп кәлмәктә.

Биз йиғин ечилиш һарписида, шветсийә уйғур маарип уюшмисиниң бу йиллиқ йиғин үчүн қандақ тәйярлиқ хизмәтләрни ишилигәнликини билип беқиш үчүн уюшминиң мәсуллиридин бири болған абдуллаһни зиярәт қилдуқ.

Абдуллаһниң билдүрүшчә, улар йиғин мәзгилидә шималий яврупада яшаватқан уйғур диний зиялийлирини асас қилип туруп, дуняниң һәрқайси җайлиридин шветсийигә келиш имкани болған диний зиялийлар билән бирликтә баш қошуп, уйғур мәсилисини әрәб тиллиқ хәлқләр арисида, җүмлидин ислам диниға етиқад қилидиған хәлқләр арисида қандақ тонуштуруш мәсилиси вә яврупада яшаватқан уйғулар дуч келиватқан диний мәсилиләр һәққидә музакириләр елип баридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.