Marakeshte 4 - nöwetlik “Süriye dostlirining xelq'araliq yighini” chaqirildi

Tunistin bashlan'ghan ereb bahari süriyige kélip toxtap qalghandin kéyin, süriye xelqining weziyiti kündin - kün'ge yamanlishishqa bashlighan idi.
Ixtiyari muxbirimiz ömerjan
2012.12.14
Share on WhatsApp
Share on WhatsApp
suriyening-dostliri-2012-305.png 2012 - Yili 12 - ayning 12 - küni marakesh paytextide chaqirilghan“Süriye dostlirining xelq'araliq yighini”gha qatnashquchilar
AFP


Ereb baharining sepirini dawamlashturush we süriye xelqini esed diktaturliqidin qutuldurush meqsiti bilen köpligen ereb we islam döletliri birliship“Süriye dostlirining xelq'araliq yighini” dégen témida bir qanche qétim chong yighinlarni chaqirip süriye krizisini hel qilishning yolliri üstide izdinishke bashlighan idi.

“Süriye dostlirining xelq'araliq yighini” birinchi qétim 70tin köprek döletning ishtiraki bilen 2012 - yili24 - féwral küni tunista, ikkinchi qétimqi yighini 60 tin köprek döletning ishtiraki bilen 2012 - yili2 - april küni istanbulda, üchinchi qétimliq yighini 2012 - yili 24 - may küni 107 döletning ishtiraki bilen parizhda chaqirilghan idi. Emdi2012 - yili12 - ayning12 - küni marakesh paytextide “Süriye dostlirining xelq'araliq yighini”ning 4 - qétimliq olturushi bashlan'ghan. Bu yighin'gha 100din köprek döletning tashqi ishlar ministiri ishtirak qilghan.

“El jezire” téléwiziye qanilining xewiri

2012 - Yili12 - ayning12 - küni charshenbe marakesh paytextide chaqirilghan“Süriye dostlirining xelq'araliq yighini”ning jeryani qatarning “El jezire” téléwiziye qanilida neq meydandin körsitildi. Yighin'gha ereb we islam memliketlirining, shundaqla gherb memliketlirining tashqi ishlar ministirliridin 100din artuq kishi ishtirak qilghan. Peqet amérika qoshma shtatlirining tashqi ishlar ministiri hillari klinton özi biwasite ishtirak qilalmighan bolup, uning yardemchisi qatnashqan.

“Süriye dostlirining xelq'araliq yighini”ning échilish nutqini tunis dölitining tashqi ishlar ministiri refiq abdussalam sözligen bolup, shuningdin kéyin yighin qatnashquchilirining herbiri öz dölitining süriye meslisi heqqidiki mewqesini otturigha qoyghan. Amérika qoshma shtatliri tashqi ishlar ministirining yardemchisi nutqida, amérikining süriyide qurulghan milliy komitétni étirap qilidighanliqini, süriye xelqining bir kün bolsimu burunraq esed diktatorliqidin qutulushigha tilekdash ikenlikini bildürdi.

Yighinning échilish nutqi

Yighinning échilish nutqini sözligen refiq abdussalam mundaq dédi:“Bizni bu yerge chaqirip yighin échishqa seweb bolghan amil süriye xelqining échinishliq weziyiti we u jaydiki insaniy krizistur. Chünki süriye diktatorining tinchliq bilen bashlan'ghan xelq namayishini eskiri heriket bilen bir terep qilish yolini tutushi seweblik, süriye xelqining qan'gha boyalghanliqi, hökümetning öltürüsh, köydürüsh we qiynashni qanun qiliwalghanliqi krizisni bu qeder chongaytiwetken. Melumki, héchqandaq bir zalim hakimiyet aghdurulmay qalmaydu, héchbir zalim axirighiche dawam qilalmaydu. Esedning texttin chüshidighan waqti az qaldi. Biz esedttin kéyinki süriye üchün bu yerde olturuwatimiz.”

Yighinning meqsiti

“El jezire” téliwiziye qanilining xewirige asaslan'ghanda, marakeshte chaqirilghan4 - nöwetlik “Süriye dostlirining xelq'araliq yighini”ning asasliq ghayisi süriyining beshshar el esed we uning hakimiyiti texttin chüshürülgendin kéyinki weziyiti heqqide bash qaturushtin ibaret iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.