Австралийидики “тәңритағ анилири” әһмийәтлик паалийәтләрни қанат яйдурмақта
2012.11.21
“тәңритағ анилар гурупписи” қурбан һейтлиқ вә җумһурийәт күни үчүн өткүзүлгән паалийәттә өзлири тәйярлиған маддий буюмларни ким ашти қилип сетип уйғурларниң ишлири үчүн җәмлиди. 2012-Йили 17-ноябир, австралийә.
Улар бир йил җәрянида һәр айдики йиғилишлирида топланған 5000 долларни шәрқий түркистан австралийә җәмийитиниң земин илиши үчүн бәргән. Улар йәнә 11-ноябир күни өткүзүлгән қурбан һейтлиқ вә җумһурийәт күни үчүн өткүзүлгән паалийәттә өзлири тәйярлиған маддий буюмларни ким ашти қилип сетиш арқилиқ йәнә 1200 доллардин артуқ пулни җәмийәткә бәргән.
Гуруппидики ханим-қизлар буниң билән тохтап қалмай, 11-айниң 17-күни әбу бәкри сидиқ мәсчити һойлисида йәнә бир хасийәтлик иш илип барған. Бу һәқтә техиму ениқ мәлуматларға еришиш үчүн “тәңритағ анилар гурупписи” ниң қурғучилиридин бири болған мәстүрә ханимни зиярәт қилдуқ.
Мәстүрә ханим өз сөзидә “тәңритағ анилар гурупписи” ниң паалийәтлириниң бундин кейинму тохтап қалмай давамлишидиғанлиқини, ханим-қизларниң техиму яхши чүшәнчидә болуп иттипақ болуп, бир-бирини қоллаватқанлиқини һәм шундақла бундин кийин техиму көп ишларни қилишини пиланлаватқанлиқини билдүрди.
Шәрқий түркистан австралийә җәмийитиниң катипи нурмуһәммәт түркистани әпәнди уларға миннәтдарлиқини билдүрди.
Көп көрүлгән хәвәрләр
RFA
- Истанбулда “уйғур мәһәллиси” қурулушиниң пүтүп чиқиши мунасивити билән ечилиш мурасими өткүзүлди
- Нури түркәл: “американиң анамни әкелишини уйғурларға көрситиватқан ғәмхорлуқиниң ипадиси, дәп қараймән”
- Торонто университети доклати: “уйғур аял кишилик һоқуқ қоғдиғучилири вә журналистлар хитайниң мисли көрүлмигән бастурушиға учриған”
- “уйғур сәнәт көргәзмиси” гә яндашқан уйғур қирғинчилиқи муһакимә йиғини башланди
- Б д т да милләтләрниң вәкиллик қилиш һәқ-һоқуқлири муһакимә қилинди