Teywende “Teywen Uyghur dostluq uyushmisi” quruldi

Teywen parlamént binasining uduligha jaylashqan teywen uniwérsitétining yighin zalida “Teywen Uyghur dostluq uyushmisi” ning qurulghanliqi jakarlandi.
Ixtiyariy muxbirimiz haji qutluq qadiri
2012.10.04
lin-bawxua-ilham-mexmut-305.jpg “Teywen Uyghur dostluq uyushmisi” ning qurulghanliqini jakarlash yighinida ataqliq xitay yazghuchisi lin bawxu'a ependi re'islikke we uning repiqisi yang yöching xanim bash katipliqqa teyinlen'gen. 2012-Yili 29-séntebir, teywen.
RFA/Qutluq

9-Ayning 28-künidin bashlap teywende élip bériliwatqan bir qatar Uyghur kishilik hoquq pa'aliyitige ishtirak qiliwatqan dunya Uyghur qurultiyining mu'awin re'isi ilham mexmut ependi teywende élip bériliwatqan Uyghur kishilik hoquq pa'aliyetlirining birinchi künidiki pa'aliyetler heqqide tepsiliy melumat bérip, 9-ayning 29-küni teywende teywen parlamént ezaliridin düen yikang ependi, tyen chujing xanim, xu'ang wenliy xanim we teywenning sabiq sehiye ministiri tu shingjé ependi, teywen proféssorlar uyushmisining re'isi jang kiyang ependi, teywen xelqperwer partiyisining bash katipi lyu wénshyung ependi qatarliqlar we ataqliq xitay öktichi yazghuchisi, meshhur obzorchi lin bawxu'a ependi qatarliqlar we shundaqla Uyghur kishilik hoquq pa'aliyitini qollighuchilar, insanperwer teywenlikler birlikte teywen parlamént binasining uduligha jaylashqan teywen uniwérsitétining yighin zalida “Teywen Uyghur dostluq uyushmisi” ning qurulghanliqini jakarlighan we ataqliq xitay yazghuchisi lin bawxu'a ependi re'islikke we uning repiqisi yang yöching xanim bash katipliqqa teyinlen'gen.

Bu, yéqinqi zaman Uyghur tarixida teywende qurulghan tunji Uyghur dostluq uyushmisi bolup, bu dostluq uyushmisi del xitay xelq jumhuriyiti qurulghanliqining 63 yilliqi harpisida teywende qurulghan bolup, bu uyushmining teywende qurulushi belkim xitay hökümitining alahide diqqitini tartishi we ghezipini qozghishi mumkin dep perez qilinmaqta.

Biz bu heqte toluq melumat élish üchün hazir teywende teywen Uyghur dostluq uyushmisining qurulushi qatarliq bir qatar Uyghur kishilik hoquq pa'aliyetlirige qatnishiwatqan ilham mexmut ependi bilen téléfon ziyariti élip barduq.

Yuqiridiki awaz ulinishidin tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.