Торонтодики уйғурлар тибәт әркинлик мәшили паалийитидә тибәтликләр билән биргә

Март ейида, гретсийиниң атена вә олимпийә шәһәрлиридин башланған,символлуқ түстики бу мәшәл явропадики бирқанчә муһим шәһәрни айлинип, алдинқи һәптидә канада йетип кәлгән вә ванкувер, оттава вә монтреал қатарлиқ шәһәрләрдә айландурулған иди.

5000 Әтрапида тибәтлик көчмән яшайдиған торонто шәһири бу мәшәлниң канададики ахирқи бекитидур. Бу мунасивәт билән канада тибәт комитети торонто шәһиридә тибәт әркинлик мәшилини қарши елиш вә хитай һөкүмитигә қарши наразилиқ паалийәтлири өткүзди. Торонтодики хитай консулханисиниң алдида өткүзүлгән наразилиқ вә сүкүттә туруш паалийитигә тибәтликләрни қоллаш йүзисидин уйғурларму қатнашти.

Тибәт әркинлик мәшили дунядики 50 нәччә муһим шәһәрни айлинип,ахири бейҗиң олимпик мусабиқисиниң һарписида тибәткә йәткүзилиду. Бейҗиң даирилири олимпик мәшилини уйғур райони билән тибәттә айландуруш арқилиқ,дуняға уйғур вә тибәтликләрниң хитай һөкүмранлиқида бәхтияр яшаватқанлиқини көрситишкә урунмақта.

Торонтодики намайиш хитайдики йәр тәврәштә вә бермадики су апитидә өлгәнләрниң роһиға сүкүттә туруш билән башланған. Канада уйғур җәмийитиниң рәиси руқийә турдуш ханим вә сиясий паалийәтчи туйғун абдивәлиләр бүгүнки бу намайишқа қатнишишниң сәвәблири вә уйғурларниң паалийәтлири һәққидә тохталди.