Торонтода үрүмчи қирғинчилиқиниң бир йиллиқини хатириләш намайиши өткүзүлди

Канаданиң торонто шәһиридә 5 - июл үрүмчи қирғинчилиқиниң бир йиллиқи мунасивити билән, хитай һөкүмитигә наразилиқ намайиши өткүзүлди. Намайиш 5 - июл күни шу җай вақти чүштин кейин саәт 2 дә башланди. Намайишқа торонтода яшаватқан көп сандики уйғур қатнашти. Намайиш хитайниң торонтода турушлуқ әлчиханисиниң алдида елип берилди.
Ихтийари мухбиримиз гүлшән
2010-07-06
Share
toronto-namayish-305 Сүрәт, канаданиң торонто шәһридики хитай әлчиликиниң алдида өткүзүлгән намайишлардин бири.
RFA Photo

Намайишчилар " хитай уйғурларни өлтүрүшни тохтат", "хитай шәрқи түркистандин чиқип кәт", " террорчи хитай, фашст хитай", " 5 - июл қирғинчилиқи унтулмайду" дегәндәк шоарларни товлашти.

Бу намайишни канада уйғур җәмийити тәшкиллигән болуп,намайиш җәрянида зияритимизни қобул қилған канада уйғур җәмийитиниң рәиси руқийә турдуш ханим сөз қилди.

Шу күни һава наһайити иссиқ болсиму, әмма қоллирида ай юлтузлуқ көк байрақ вә 5 - июл үрүмчи қирғинчилиқи әкс әттүрүлгән рәсимләрни көтүрүшкән намайишчилар наһайити җушқун һаләттә, шоарларни товлап хитай һөкүмитигә болған наразилиқини ипадилиди.

Намайиш җәрянида зияритимизни қобул қилған шакир әпәнди өзиниң 5 - июл шеһитлири билән бир сәптә туруп иссиқ қанлирини улар билән бирликтә аққузалмиғанлиқиға болған ечиниш һессиятини ипадилиди.

Һаваниң қаттиқ иссиқ болушиға пәрва қилмай, туғулғиниға әмдила бирнәччә ай болған бовиқини көтүрүп намайишчилар сепигә қошулған бир яш ханим өзиниң һиссиятини ипадилиди.

Биз намайиш җәрянида йәнә, канада уйғур җәмийитиниң сабиқ рәиси мәмәт тохти әпәндиниму зиярәт қилдуқ. Ү у бүгүнки намайиш җәрянидики өз туйғулирини ипадилиди.

Намайиш чүштин кейин саәт 5 кә қәдәр давамлашти.

юқиридики аваз улинишидин, бу һәқтики сөһбитимизниң тәпсилатини аңлайсиләр.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт