«Шинҗаңдики қалаймиқанчилиқ вә түгимәс тоқунуш» намлиқ китаб нюйоркта нәшр қилинди

5-Июл үрүмчи вәқәсидин кейин уйғур мәсилиси техиму көп дөләт вә кишиләрниң диққәт-етибарини қозғашқа башлиди.
Ихтиярий мухбиримиз әркин тарим
2012-07-31
Елхәт
Пикир
Share
Принт
«Шинҗаңдики қалаймиқанчилиқ вә түгимәс тоқунуш» намлиқ китаб муқависиниң алди вә кәйни көрүнүши.
«Шинҗаңдики қалаймиқанчилиқ вә түгимәс тоқунуш» намлиқ китаб муқависиниң алди вә кәйни көрүнүши.
RFA/Erkin Tarim

Нурғунлиған дөләтләрдә һәр хил тилларда уйғурларниң сиясий һаяти, бүгүнки вәзийити вә 5-июл үрүмчи вәқәси тоғрисида көплигән китаблар нәшр қилинишқа башлиди. Мана шу хил китаблардин бири, чәтәлдики бирдин‏-бир хитай тилидики нәшрият болған әйнәк нәшриятиниң америкиниң ню-йорк шәһиридики тармақ нәшрияти тәрипидин нәшр қилинған «шинҗаңдики қалаймиқанчилиқ вә түгимәс тоқунуш» намлиқ хитайчә китаб. Хитай язғучи җяв юлу язған мәзкур китаб 536 бәт вә 14 бабтин тәркиб тапқан болуп, аптор китабида уйғурларниң тарихини вә һәрқайси тарихий басқучлардики хитай һакимийитиниң уйғурларға қаратқан қаттиқ қол сиясити вә шундақла уйғурларниң чәтәлдә елип бериватқан мустәқиллиқ һәрикәтлири тоғрисида бир қәдәр әтраплиқ материялларни топлап буниңға асасән йезип чиққан.

Мәзкур китабта аптор хитай коммунист һакимийитиниң уйғурларға йүргүзүватқан қаттиқ қоллуқ сиясити билән коммунист һакимийитиниң азсанлиқ милләтләр сияситиниң мәғлубийәткә учриғанлиқини йорутуп бериш билән биргә, уйғур илиниң, әгәр хитай һакимийити һошяр болмиса дәрһал қолдин чиқип кетиш хәвпиниң барлиқини оттуриға қоюш арқилиқ, хитай һакимийитигә сигнал бериду.

Биз бу китаб һәққидә техиму тәпсилий мәлумат елиш үчүн японийә кагошима хәлқара университетиниң уйғур мутәхәссиси доктор һаҗи қутлуқ қадир әпәнди билән телефон зиярити елип бардуқ.

Тәпсилатини юқиридики аваз улинишидин аңлиғайсиләр.

Пикирләр (0)
Share
Толуқ бәт