Türk dunyasi yashliri qurultiyi Uyghur yashliri mesilisigimu köngül bölmekte

Türk dunyasi yashliri qurultiyi hey'iti türkiye jumhuriyiti bash ministirliqi tenterbiye idarisining mudiri we türk dunyasi hemkarliq idarisining rehberliri bilen körüshti.
Ixtiyariy muxbirimiz erkin tarim
2011.03.03
turk-dunyasi-yashliri-teshkilati-heyeti-305.jpg Türk dunyasi yashliri birliki re'isi ekrem abdullah, mu'awin re'isi shemsettin küzechi, bash katipi élshat abdullah we murat toylidin terkib tapqan bir hey'et. 2011-Yili 3-féwral.
RFA/Erkin Tarim

Türk dunyasi yashliri birliki re'isi ekrem abdullah, mu'awin re'isi shemsettin küzechi, bash katipi élshat abdullah we murat toylidin terkib tapqan bir hey'et türkiyining enqere shehiride bir qatar uchrishishlarni élip bardi. Mezkur hey'et aldi bilen türkiye jumhuriyiti bash ministirliqi tenterbiye idarisining mudiri adnan gül bilen körüshüp türk dunyasida tenterbiye saheside qandaq hemkarliq élip bérish heqqide muzakire élip bardi.

Bu hey'et yene türk dunyasi hemkarliq idarisining rehberliri bilen uchriship 7-ayning 10-künidin 15-künigiche siprus türk jumhuriyitide échilidighan türk dunyasi yashliri qurultiyi heqqide melumat berdi.

Türk dunyasi yashliri qurultiyi rehberliridin terkib tapqan bu hey'et arqidin türkiye bash ministirliqining qarmiqidiki türkiy jumhuriyetler we qérindash milletler idarisi rehberliri bilen uchriship türk dunyasining mesililiri we hel qilish yolliri heqqidiki öz köz qarashlirini otturigha qoyghan. Türk dunyasi qurultiyi bash katipi élshat abdullahning éytishiche, bu yil sipurusta échilidighan 15-nöwetlik türk dunyasi yashliri qurultiyida türkiy jumhuriyetlirining musteqilliqining 20-yilliqini tebriklesh bilen birlikte Uyghurlar, iraqtiki türkmenler, irandiki ezerbeyjanliqlar, tataristan we qirimdiki tatarlarning mesililiri muzakire qilinidiken.

U sözide yene türk dunyasi yashliri teshkilatining eng muhim wezipiliridin birining hazir sherqiy türkistan yashliri duchar boluwatqan mesililerni türk dunyasi jama'etchilikige anglitish we buni hel qilishning yollirini izdesh ikenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.