ھەر يىلى دۇنيا ئۇيغۇر قۇرۇلتىيىنىڭ چاقىرىقى بويىچە تۈركىيىدىكى شەرقىي تۈركىستان ئاممىۋى تەشكىلاتلىرى خىتاي ئەلچىخانىسىنىڭ ئالدىدا نامايىش ئۆتكۈزەتتى.
بۇ يىل تۈركىيىدە 10 - ئاينىڭ 1 - كۈنى روزى ھېيت بىلەن بىر كۈنگە توغرا كېلىپ قالغاچقا مەتبۇئات باياناتى ئېلان قىلىش بىلەن چەكلىنىپ قالدى.
بۈگۈن تۈركىيىنىڭ قەيسەرى شەھرىدە پائالىيەت ئېلىپ بېرىۋاتقان شەرقىي تۈركىستان مەدەنىيەت ۋە ھەمكارلىق جەمئىيىتى تەشكىلات بىناسىدا مۇخبىرلارنى كۈتۈۋېلىش يىغىنى چاقىرىپ خىتايلارنىڭ شەرقىي تۈركىستانغا بېسىپ كىرگەندىن بۇيانقى 59 يىل جەريانىدا ئۇيغۇرلارغا ئېلىپ بارغان سىياسىتىنى ئاڭلاتقاندىن باشقا، تۈركىيىدىكى پۈتۈن تۈرك ۋە چەتئەللىك مۇخبىرلارغا مەتبۇئات باياناتىنى فاكس ۋە ئېلخەت ئارقىلىق ئەۋەتىپ بەرگەن.
بىزگە بۇ ھەقتە د ئۇ ق مۇئاۋىن باشلىقى سېيىت تۈمتۈرك ئەپەندى مەلۇمات بەردى.
يۇقىرىدىكى ئاۋاز ئۇلىنىشىدىن، ئەنقەرەدىكى ئىختىيارى مۇخبىرىمىز ئەركىن تارىمنىڭ مەلۇماتلىرىنى ئاڭلىغايسىلەر.