Түркийә җумһурийити рәиси абдуллаһ гүлниң үрүмчи зиярити һәққидә сөһбәт

Түркийә җумһурийити рәиси абдуллаһ гүлниң хитайға елип бериватқан зиярити 2 - күнигә кирди. У бүгүн хитай дөләт рәиси ху җинтав учришип икки дөләтниң мунасивити һәққидә тәпсили музакирә елип барған.
Мухбиримиз әркин тарим
2009.06.25
Share on WhatsApp
Share on WhatsApp
Abdulla-gul-Xu-jintaw-305 Түркийә җумһурийити рәиси абдуллаһ гүлниң хитай зийаритидин бир көрүнүш.
AFP Photo

Түркийиниң әң чоң телевизийә вә нопузлуқ гезитлири бу һәқтики хәвәр вә тәһлилләргә кәң - көләмдә йәр бәрмәктә.

Бүгүн түркийиниң әң чоң гезитлиридин бири болған һүррийәт, сабаһ, миллийәт, радикал гезитлирида бу һәқтики хәвәрләргә орун берилди. Һүррийәт гезитидики хәвәрдә хитайларниң түркләргә қорсиқи кәңлик қилип түркләрниң қериндашлири уйғурлар яшаватқан уйғур райониниң ишикиниму ачқанлиқини, рәис җумһури абдуллаһ гүлниң уйғур дияриға елип баридиған зияритиниң түркийигә вә уйғурларға пайда елип келидиғанлиқини илгири сүрсә, уйғурларниң бәзи тор бәтлиридә болса хитайларниң түркләрниң көзини бояп егиз биналарни көрситип йолға салидиғанлиқини, уйғурларға пайдиси йоқлиқини илгири сүрмәктә.

6 - Айниң 24 - күни түркийә рәис җумһури абдуллаһ гүл бейҗиңда туруп "трт" түрк телевизийисиниң мухбириниң соаллириға бәргән җаваблирида икки дөләтниң иқтисадий тиҗарий мунасивәтлирини тилға елип, уйғур мәсилисини тилға алмиди.

Әмма ишәнчилик мәнбәләрдин алған мәлуматларға асасланғанда абдуллаһ гүл уйғурлар һәққидә тәтқиқат елип бериватқан мутәхәссисләрниму елип кәткән. Булар неминиң бишарити? абдуллаһ гүлниң үрүмчигә зиярәт елип бериши түрк мәтбуатлирида дегәндәк уйғурлар үчүн пайдилиқму?

Бу һәқтики көз қаришини елиш үчүн түркийидә тонулған түркийә хитай мунасивәтлири мутәхәссиси дотсент др. Әркин әкрәм билән сөһбәт елип бардуқ. 
   
Юқиридики аваз улинишидин, бу сөһбәт хатирисиниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.