Украинийидә уйғур ханим - қизлири мәсилиси күн тәртипкә кәлди

3 - Айниң 8 - күни дуня аяллар байрими мунасивити билән украинийидә чақирилған хәлқаралиқ йиғинда 21 - әсиргә киргән, инсан һәқлири дуняда алдинқи қатарға өткән күнимиздә уйғур ханим - қизлири дучар боливатқан мәсилиләр йиғинниң күн тәртипигә кәлгән.
Мухбиримиз әркин тарим
2009-03-10
Share
Yawrasyada-ayallar-mesilisi-305 3 - Айниң 8 - күни дунйа айаллар байрими мунасивити билән украинийидә чақирилған хәлқаралиқ йиғиндин бир көрүнүш.
RFA Photo / Erkin Tarim

Хәлқара инсан һәқлири явро - асия федератсийисиниң башчилиқида украинийиниң қирим арилидики синферапол шәһридә 3 - айниң 7 - 8 - күнлири "явро - асядики аялларниң мәсилилири" мавзулуқ йиғин чақирилған.

Бу йиғинға афғанистан, азәрбейҗан, грузийә, македонйә, косова, оттура асия түркий җумһурийәтлири, русийә федератсийиси , голландийә вә германийә қатарлиқ 18 дөләттин инсан һәқлири тәшкилатлириниң мәсуллири қатнашқан.

Икки күн давам қилған бу йиғинда, явро - асия дөләтлиридики аялларниң мәсилилири музакирә қилинип, йиғин ахирида пүтүн дуня дөләтлириниң парламентлириға әвәтиш үчүн қарар мақулланған.

 Бу йиғинни уюштурған түрк дуняси инсан һәқлири җәмийитиниң башлиқи абдулла буксурниң ейтишичә, йиғинда мақулланған бу қарарда нуқтилиқ һалда дуня дөләтлири афғанистан, ирақ вә шәрқий түркистандики ханим - қизлар дучар боливатқан инсан һәқлири дәпсәндилирини тохтитишқа чақирилған.

Бу йиғинға гәрчә уйғур вәкилләр қатнашмиған болсиму, уйғур аяллириниң мәсилилири нуқтилиқ һалда йиғинниң күн тәртипигә кәлгән.

Биз бу йиғин һәққидә тәпсили мәлумат елиш үчүн, бу йиғинни уюштурғучи органлардин бири болған түрк дуняси инсан һәқлири тәшкилати башлиқи абдулла буксур әпәндигә микрофонимизни узаттуқ.

Юқиридики аваз улинишидин, бу һәқтики мәлуматимизниң тәпсилатини аңлайсиләр.   


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт